നാമം എക്‌സലൻസ് അവാർഡുകൾ പ്രഖ്യാപിച്ചു
ന്യൂജേഴ്‌സി: വിവിധ പ്രവർത്തന മേഖലകളിൽ പ്രാഗല്ഭ്യം തെളിയിച്ച് വിജയം കൈവരിച്ച പ്രഗല്ഭരെ ആദരിക്കുന്നതിനായി നാമം സംഘടിപ്പിക്കുന്ന എക്‌സലൻസ് അവാർഡുകൾ പ്രഖ്യാപിച്ചു. സുതാര്യവും കൃത്യതയാർന്നതുമായ പ്രക്രിയയിലൂടെ കിറ്റക്‌സ് യു.എസ്.എ സിഇഒ സാബു എം. ജേക്കബ്, ന്യൂജേഴ്‌സി ബോർഡ് ഓഫ് പബ്ലിക് യൂട്ടിലിറ്റി കമ്മീഷണർ ഉപേന്ദ്ര ചിവുക്കുള, ഇൻഡോ- അമ
ന്യൂജേഴ്‌സി: വിവിധ പ്രവർത്തന മേഖലകളിൽ പ്രാഗല്ഭ്യം തെളിയിച്ച് വിജയം കൈവരിച്ച പ്രഗല്ഭരെ ആദരിക്കുന്നതിനായി നാമം സംഘടിപ്പിക്കുന്ന എക്‌സലൻസ് അവാർഡുകൾ പ്രഖ്യാപിച്ചു. സുതാര്യവും കൃത്യതയാർന്നതുമായ പ്രക്രിയയിലൂടെ കിറ്റക്‌സ് യു.എസ്.എ സിഇഒ സാബു എം. ജേക്കബ്, ന്യൂജേഴ്‌സി ബോർഡ് ഓഫ് പബ്ലിക് യൂട്ടിലിറ്റി കമ്മീഷണർ ഉപേന്ദ്ര ചിവുക്കുള, ഇൻഡോ- അമേരിക്കൻ മാദ്ധ്യമ പ്രവർത്തകൻ ഡോ. കൃഷ്ണ കിഷോർ, ഇന്റഗ്രൽ ഡെവപല്‌മെന്റ് തെറാപ്പി സ്ഥാപകൻ ഡോ. എ.കെ.ബി പിള്ള ന്യൂയോർക്ക് സ്റ്റേറ്റ് മെന്റൽ ഹെൽത്ത് വിഭാഗം മെഡിക്കൽ റിസേർച്ചർ അശോക് കുമാർ, സൗപർണിക ഡാൻസ് അക്കാദമി മേധാവിയും നൃത്ത അദ്ധ്യാപികയുമായ മാലിനി നായർ എന്നിവർ 2016 നാമം എക്‌സലൻസ് അവാർഡിന് അർഹരായതായി ജൂറി അറിയിച്ചു.
കിറ്റക്‌സ് ഗാർമെന്റ്‌സ് ലിമിറ്റഡ് മാനേജിങ് ഡയറക്ടറും, ചീഫ് ഫിനാൻഷ്യൽ ഓഫീസറുമായ സാബൂ എം. ജേക്കബ് കഴിഞ്ഞ ഇരുപത്തഞ്ചിൽപ്പരം വർഷങ്ങളായി കേരളത്തിന്റെ വ്യാവസായിക മേഖലയിലെ നിറസാന്നിധ്യമാണ്. തുണിത്തരങ്ങൾ മുതൽ സുഗന്ധദ്രവ്യങ്ങൾ വരെ നിർമ്മിക്കുന്ന കിറ്റക്‌സ് ലിമിറ്റഡിന് അദ്ദേഹത്തിന്റെ സാരഥ്യത്തിൽ പ്രദേശിക വിപണിയിൽനിന്ന് ആഗോള വിപണിയിൽ എത്തിക്കുവാൻ അദ്ദേഹത്തിന് കഴിഞ്ഞു. 2015-ൽ അമേരിക്കൻ മണ്ണിൽ പ്രവർത്തനം ആരംഭിച്ച കിറ്റക്‌സ് ലിമിറ്റഡ് 15000 -ത്തിൽപ്പരം തൊഴിൽ അവസരങ്ങൾ സൃഷ്ടിച്ച തൊഴിൽദാതാവാണ്. 20/20 എന്ന സംഘടന രൂപീകരിച്ച് സമഗ്ര ഗ്രാമീണ ഉത്ഥാനത്തിലൂടെ സാമൂഹിക പ്രതിബദ്ധതയും തെളിയിക്കാൻ അദ്ദേഹം നേതൃത്വം കൊടുക്കുന്ന കിറ്റക്‌സ് ലിമിറ്റഡിനു കഴിഞ്ഞിട്ടുണ്ട്.
ന്യൂജേഴ്‌സി ബോർഡ് ഓഫ് പബ്ലിക് യൂട്ടിലിറ്റീസ് കമ്മീഷണർ ഉപേന്ദ്ര ചിവുക്കുള ന്യൂജേഴ്‌സി രാഷ്ട്രീയ-സാമുഹ്യ രംഗത്തെ നിറസാന്നിധ്യമാണ്. ന്യൂജേഴ്‌സി അസംബ്ലിയിൽ ഏഴുതവണ അസംബ്ലിമാനും, മൂന്നുതവണ ഡപ്യൂട്ടി സ്പീക്കറും ആയിരുന്നു അദ്ദേഹം. ന്യൂയോർക്ക് സിറ്റി കോളജിൽനിന്ന് ഇലക്ട്രിക്കൽ എൻജിനീയറിംഗിൽ ബിരുദാനന്തര ബിരുദം നേടിയ ഇദ്ദേഹം ടെലികമ്യൂണിക്കേഷൻസ്- യൂട്ടിലിറ്റി കമ്മിറ്റി ചെയർമാൻ, ഹോം ലാൻഡ് സെക്യൂരിറ്റി & സ്റ്റേറ്റ് പ്രിപേയർഡൻസ് കമ്മിറ്റി വൈസ് ചെയർമാൻ തുടങ്ങി ഒട്ടേറെ സ്ഥാനങ്ങൾ വഹിച്ചിട്ടുള്ള വ്യക്തിയാണ്.
ഇൻഡോ- അമേരിക്കൻ മാദ്ധ്യമരംഗത്തെ സുപരിചിത വ്യക്തിത്വമാണ് ഡോ. കൃഷ്ണകിഷോർ. പെൻസിൽവാനിയ യൂണിവേഴ്‌സിറ്റിയിൽനിന്നു പിഎച്ച്ഡി നേടിയിട്ടുള്ള അദ്ദേഹം ഡിലോയിറ്റ് & റ്റാഷേയിൽ ഉയർന്ന ഉദ്യോഗസ്ഥനാണ്. തന്റെ ഔദ്യോഗിക ജീവിതത്തോടൊപ്പം ഏഷ്യാനെറ്റിൽക്കൂട്ടി അമേരിക്കൻ മലയാളിയുടെ മുഖമാകാൻ അദ്ദേഹത്തിനു കഴിഞ്ഞു. പ്രവാസി മലയാളികളുടെ പ്രശ്‌നങ്ങൾ അധികൃതരുടെ ശ്രദ്ധയിൽപ്പെടുത്തുന്ന മാദ്ധ്യമപ്രവർത്തകൻ എന്ന നിലയിൽ വിജയിച്ച അദ്ദേഹം പെൻസിൽവാനിയ സ്റ്റേറ്റ് യൂണിവേഴ്‌സിറ്റിയിൽ അദ്ധ്യാപകനായും സെനറ്റ് മെമ്പറായും സേവനം അനുഷ്ഠിച്ചിട്ടുണ്ട്.
ഇന്റഗ്രൽ ഡെവലപ്‌മെന്റ് തെറാപ്പി എന്ന സ്ഥാപനത്തിന്റെ സ്ഥാപക കൺസൾട്ടന്റാണ് ഡോ. എ.കെ.ബി പിള്ള. അമേരിക്കൻ ആന്ത്രപ്പോളജിക്കൽ അസോസിയേഷൻ ഫെല്ലോയും, അമേരിക്കൻ ബോർഡ് ഓഫ് മെഡിക്കൽ സൈക്കോ തെറാപ്പിസ്റ്റ് ഫെല്ലോയും ഡിപ്ലോമാറ്റുമായ അദ്ദേഹത്തനു ഫൊക്കാന അവാർഡ്, ലൈഫ് ടൈം ലിറ്റററി അവാർഡ് തുടങ്ങിയ പുരസ്‌കാരങ്ങളും ലഭിച്ചിട്ടുണ്ട്.
ഓൾ ഇന്ത്യാ മെഡിക്കൽ സയൻസിൽനിന്നു ബിരുദം നേടി വേൾഡ് ഹെൽത്ത് ഓർഗനൈസേഷന്റെ ഗ്രാന്റോടുകൂടി റൊക്കേഥെല്ലർ യൂണിവേഴ്‌സിറ്റിയിൽ മെഡിക്കൽ റിസേർച്ചായിരുന്നു അശോക്കുമാർ. ന്യൂയോർക്ക് യൂണിവേഴ്‌സിറ്റി ലാൻഗോൺ മെഡിക്കൽ സെന്ററിൽ അദ്ധ്യാപകനായ അദ്ദേഹം ന്യൂയോർക്ക് സ്റ്റേറ്റ് മെന്റൽ ഹെൽത്തിലെ മെഡിക്കൽ റിസേർച്ചറും, നാഥൽ ക്ലൈൻ ഇൻസ്റ്റിറ്റിയൂട്ട് ഓഫ് സൈക്യാട്രി റിസേർച്ചിലെ ഇമേജിങ് കോർ ഡയറക്ടറുമാണ്.
തിരുവനന്തപുരം കോളജ് ഓഫ് എൻജിനിയറിംഗിൽനിന്നു സിവിൽ എൻജിനിയറിംഗിൽ ബി.ടെക് ബിരുദം നേടിയ മാലിനി നായർ കലാസപര്യയ്ക്കായി ഔദ്യോഗിക ജീവിതം ഉപേക്ഷിച്ച കലാകാരിയാണ്. 2008-ൽ സൗപർണിക അക്കാദമിയെന്ന കലാ-സാംസ്‌കാരിക സ്‌കൂൾ സ്ഥാപിച്ച് ശാസ്ത്രീയ നൃത്തരൂപങ്ങളെ എല്ലാ തലമുറയിലും എത്തിക്കുന്നതിൽ നിർണായക പങ്കുവഹിച്ചു. കലാ-സംഘടനാ പ്രവർത്തനങ്ങളിൽ വ്യക്തിമുദ്ര പതിപ്പിച്ച അവർ 'അക്കരക്കാഴ്ചകൾ' എന്ന സീരിയലിലും, 'മിഴിയറിയാതെ' എന്ന ടെലി ഫിലിമിലും അഭിനയിച്ചിട്ടുണ്ട്. കീൻ, കാൻജ് എന്നീ സംഘടനകളുടെ ട്രസ്റ്റി ബോർഡ് അംഗമായ മാലിനി നായർ ടെലിവിഷൻ അവതാരകയുമാണ്. ദുബായി ഗ്ലോബൽ വില്ലേജിൽ ഇന്ത്യൻ പവലിയനിൽ മാലിനി നായർ അവതരിപ്പിച്ച നൃത്തപരിപാടി മുക്തകണ്ഠ പ്രശംസ നേടിയിരുന്നു.
2016 മാർച്ച് 19-നു വൈകുന്നേരം എഡിസൺ ഹോട്ടലിൽ വച്ചു നടത്തുന്ന വർണാഭമായ ചടങ്ങിൽ അവാർഡ് ദാനം നടത്തുമെന്നു പ്രസിഡന്റ് ഗീതേഷ് തമ്പി അറിയിക്കുകയും അവരെ അഭിനന്ദിക്കുകയും ചെയ്തു. നാമം എക്‌സലൻസ് അവാർഡ് നൈറ്റ് പ്രോഗ്രാം കൺവീനർ സജിത് കുമാറിന്റെ നേതൃത്വത്തിൽ പ്രേം നാരായൺ (കോ- കൺവനീനർ), വിനീത നായർ (വൈസ് പ്രസിഡന്റ്), അജിത് പ്രഭാകർ (സെക്രട്ടറി) ആഷാ വിജയ് (ട്രഷറർ), അപർണ്ണ അജിത് കണ്ണൻ (ജോയിന്റ് ട്രഷറർ), ഡോ. ഗോപിനാഥൻ നായർ, സജിത്ത് ഗോപിനാഥ്, സഞ്ജീവ് കുമാർ, രാജേഷ് രാമചന്ദ്രൻ, മാലിനി നായർ, വിദ്യ രാജേഷ്, മായ മേനോൻ, സുനിൽ രവീന്ദ്രൻ, ഉഷ അജിത് തുടങ്ങിയവർ പരിപാടിയുടെ വിജയത്തിനായി പ്രവർത്തിക്കുന്നു.
