ന്യുജേഴ്‌സി: പ്രവാസി സമൂഹത്തിൽ വേറിട്ട  പ്രവർത്തനങ്ങളുമായി മുന്നേറുന്ന പ്രമുഖ സാംസ്‌കാരിക സംഘടനയായ 'നാമം'  മാർച്ച് 19ന്  നടത്തുന്ന എക്‌സലൻസ് അവാർഡ് നൈറ്റ്  മികവുറ്റതാക്കാനുള്ള ഒരുക്കങ്ങൾ പുരോഗമിക്കുന്നു.

 'അതിഥി ദേവോ ഭവ' എന്ന തത്വത്തിൽ വിശ്വസിക്കുന്നുവെന്നും, അവാർഡ് നിശയിൽ പങ്കെടുക്കാനെത്തുന്ന ഓരോ വ്യക്തിയെയും പ്രത്യേക പരിഗണനയോടെ സ്വീകരിക്കുകയും ഏറ്റവും നല്ലൊരനുഭവം  സമ്മാനിക്കുകയും ചെയ്യുമെന്നും     
പ്രോഗ്രാം  കൺവീനർ  സജിത്  കുമാർ  പറഞ്ഞു.  ഇതിനായി  വിവിധ  കമ്മിറ്റികളെ  ചുമതലപ്പെടുത്തിയിട്ടുണ്ട് .

പരിപാടിയിൽ പങ്കെടുക്കാനെത്തുന്നവരെ സ്വാഗതം ചെയുന്നതിനായുള്ള  റിസപ്ഷൻ  കമ്മിറ്റിയിൽ  സുനിൽ രവീന്ദ്രൻ, സന്തോഷ് മേനോൻ, അമൃത സഞ്ജയ് , സിജി ആനന്ദ്, ഉഷ മേനോൻ, സുമേഷ്  നായർ എന്നിവരാണുള്ളത്. ബാങ്കറ്റ് ഹാളിനുള്ളിൽ അതിഥികൾക്കായുള്ള  സജ്ജീകരണങ്ങളുടെ  ചുമതല സജിത്  ഗോപി, സഞ്ജീവ് കുമാർ, ഉഷ മേനോൻ, അമൃത സഞ്ജയ്, സീമന്ത്  കുമാർ എന്നിവരടങ്ങുന്ന അഡ്‌മിഷൻ ആൻഡ്  ബാങ്കറ്റ്  കമ്മിറ്റിക്കാണ് .      

പ്രഗത്ഭ വ്യക്തികളെ ആദരിക്കുന്ന എക്‌സലൻസ് അവാർഡ് നൈറ്റിൽ  തികച്ചും വ്യത്യസ്തമായ പരിപാടികളാണ്  അവതരിപ്പിക്കുന്നത് . പ്രശസ്ത  ഇന്ത്യൻ അമേരിക്കൻ കൊമേഡിയനായ  രാജീവ്  സത്യാൽ അവതരിപ്പിക്കുന്ന ഹാസ്യ പരിപാടി  അവാർഡ് നിശയിലെ ഒരു പ്രധാന ആകർഷണമായിരിക്കും.

ന്യുജേഴ്‌സിയിലെ എഡിസനിലുള്ള  റോയൽ ആൽബെർട്ട്‌സ്  പാലസിൽ  മാർച്ച് 19  വൈകുന്നേരം ആരംഭിക്കുന്ന  എക്‌സലൻസ് അവാർഡ് നൈറ്റ്  വൻ വിജയമാക്കാനുള്ള തിരക്കിലാണ് നാമം പ്രവർത്തകർ.