ചെന്നൈ: തെന്നിന്ത്യൻ ഗ്ലാമർ നായിക നമിത കപൂറിന്റെ വിവാഹത്തിന്റെ ഫോട്ടോയും വീഡിയോകളും സോഷ്യൽ മീഡിയയിൽ തരംഗമാവുന്നു. വിവാഹത്തിനായി മെഹന്ദിയിട്ടു നിൽക്കുന്ന ചിത്രങ്ങളാണ് ആരാധകർ ഏറ്റെടുത്തിരിക്കുന്നത്.

നമിതയും വീരേന്ദ്ര ചൗധരിയും തമ്മിലുള്ള വിവാഹം നാളെയാണ് നടക്കുന്നത്. നടൻ ശരത് ബാബുവിനെ കല്യാണം കഴിക്കാൻ പോകുന്നു എന്ന ഗോസിപ്പുകൾ നിറഞ്ഞു നിൽകുമ്പോഴാണ് ബിഗ് ബോസിൽ വച്ചു പരിചയപ്പെട്ട വിരേന്ദ്ര ചൗധരിയുമായി ചങ്ങാതത്തിൽ ആകുന്നത്.ആഴചകൾക്കു മുൻപാണ് കല്യാണ തീയതി പ്രഖ്യാപിച്ചത്.

തിരിപ്പതിയാൽ വച്ചാണ് താരവിവാഹം നടക്കുന്നത്. തുടർന്ന സിനിമയിലെ സുഹൃത്തുക്കൾക്ക് വേണ്ടി ചെന്നൈയിൽ വെച്ച് പാർട്ടി നൽകാനാണ് തീരുമാനം.

തമിഴ്, തെലുങ്ക്, മലയാളം സിനിമ മേഖലയിലായി നിരവധി ചിത്രങ്ങളിൽ വേഷമിട്ട നമിതയ്ക്ക് വലിയൊരു ആരാധക സമൂഹം കൂടെ ഉണ്ട്. 2005 മുതൽ 2013 വരെ തമിഴിൽ നമിതയുടെ കാലമായിരുന്നു. വിജയ് ചിത്രം അഴകിയ തമിഴ് മകൻ, ഞാൻ അവൻ അല്ലൈ, വ്യാപാരി തുടങ്ങിയ ചിത്രങ്ങളിലൂടെ മസാലപടങ്ങളുടെ ഭാഗമായിരുന്ന നമിത മുഖ്യധാരസിനിമയിലും സജീവമായി. പിന്നീട് അമിതമായ തടി വർധിച്ചത് നമിതയുടെ അവസരം കുറക്കുകയായിരുന്നു.

എന്നാൽ ഇന്ന് ഡയറ്റിങ്ങിലൂടെ ശക്തമായി തിരിച്ച് വരാൻ ഒരുങ്ങുകയാണ് നമിത. തന്റെ പുതിയ ചിത്രത്തിന്റെ പൂജ ചടങ്ങുകൾക്ക് അൾട്രാ ഗൽമറസ് വേഷത്തിൽ പ്രത്യക്ഷപ്പെട്ട നമിത വീണ്ടും ഗ്ളാമർ ലോകത്തേയ്ക്കുള്ള തന്റെ തിരിച്ച് വരവിന് കൂടിയാണ് ശ്രമിക്കുന്നത്.പുലിമുരകനിലൂടെ വീണ്ടും മൂന്നുവർഷങ്ങൾക്ക് ശേഷം രണ്ടാംവരവ് നടത്തി. പൊട്ട് എന്ന തമിഴ് ചിത്രമാണ് നമിതയുടേതായി ഇറങ്ങാനുള്ള പുതിയ പ്രോജക്ട്. തമിഴിലും തെലുങ്കിലും മലയാളത്തിലുമായി നിരവധി ആരാധകരുണ്ട് നമിതയ്ക്ക്.

1984 ൽ ഗുജറാത്തിലെ സൂറത്തിലാണ് നമിത ജനിച്ചത്, തെന്നിന്ത്യയിലും പ്രത്യേകിച്ച് തമിഴ് നാട്ടിൽ നമിതക്ക് ധാരാളം ആരാധക ക്ലബ്ബുകൾ ഉണ്ട്. പ്രശസ്ത സെർച്ച് എൻജിനായ ഗൂഗിളിൽ 2008 ൽ ഏറ്റവും കൂടുതൽ അന്വേഷിക്കപ്പെട്ട തമിഴ് നടി നമിതയായിരുന്നു.