കൊച്ചി: നസ്രിയ നസീം സഞ്ചരിച്ച റേഞ്ച് റോവർ കാർ ചെറിയ അപടകത്തിൽ പെട്ടോ? അതോ വെറും സിനിമ ഷൂട്ടിംഗിന്റെ ദൃശ്യങ്ങളാണോ? ഫേസ്‌ബുക്കിലൂടെ പ്രചരിക്കുന്ന നസ്രിയയുടെ ചിത്രങ്ങളാണ് ഈ ചോദ്യം ഉയർത്തുന്നത്. നസ്രിയ കാറിൽ നിന്നിറങ്ങി ആരോടോ ദേഷ്യത്തോടെ സംസാരിക്കുന്ന വിധത്തിലുള്ള ചിത്രങ്ങളാണ് ഫേസ്‌ബുക്കിൽ പ്രചരിക്കുന്നത്. സൈബർലോകത്ത് ഇപ്പോഴും ഏറ്റവും കൂടുതൽ സ്വാധീനമുള്ള മലയാളം സിനിമാനടി തന്നെയാണ് നസ്രിയ എന്ന് വ്യക്തമാക്കുന്ന വിധത്തിലാണ് നസ്രിയയുടെ ചിത്രങ്ങൾ പ്രചരിക്കുന്നത്.

രണ്ട് ദിവസമായി ഫേസ്‌ബുക്കിലൂടെ പ്രചരിക്കുകയാണ് നസ്രിയയുടെ ചിത്രങ്ങൾ. ചുറ്റും വാഹനങ്ങൾ, വെള്ള റേഞ്ച് റോവർ കാറിൽ നിന്നും നസ്രിയ ഇറങ്ങുന്നതും ആരോടോ സംസാരിക്കുന്നതും ചിത്രത്തിൽ. വാഹനങ്ങൾക്ക് നടുവിൽ താരം അൽപ്പം ദേഷ്യത്തിലാണെന്നും കാണാം. ഇതോടെ നസ്‌റിയ നസീം ട്രാഫിക്കിൽ പ്രശ്‌നമുണ്ടാക്കി എന്ന തരത്തിലാണ് വാർത്തകൾ ഫേസ്‌ബുക്കിൽ പ്രചരിക്കുന്നത്. ഫോട്ടോയ്‌ക്കൊപ്പം മൂവാറ്റുപുഴയിൽ നസ്രിയയുടെ കാർ രണ്ട് ദിവസം മുമ്പ് മൂവാറ്റുപുഴയിൽ അപകടത്തിൽ പെട്ടപ്പോൾ എന്ന വിധത്തിലാണ് ചിത്രങ്ങൾ പ്രചരിക്കുന്നത്.

എന്നാൽ ഈ ചിത്രങ്ങളുടെ വസ്തുത ഇനിയും വ്യക്തമായിട്ടില്ല. ലേറ്റസ്റ്റ് ഫോട്ടോ എന്ന് പറഞ്ഞുള്ള ചിത്രത്തിൽ നസ്രിയ തടികുറച്ചിട്ടുമുണ്ട്. വിലവാഹത്തിന് ശേഷം പുറത്തുവന്ന ചിത്രങ്ങളിൽ താരത്തിന് തടി കൂടിയിരിരുന്നു. എന്തായാലും നിരവധി പേർ നസ്രിയയുടെ ചിത്രം ഫേസ്‌ബുക്കിലൂടെ ഷെയർ ചെയ്യുന്നുണ്ട. നസ്രിയ ഉടൻ സിനിമയിലേക്ക് തിരിച്ചുവരുമെന്ന് ഫഹദ് ഫാസിൽ അടുത്തിടെ അഭിപ്രായപ്പെട്ടിരുന്നു. നസ്രിയയുടെ തിരിച്ചുവരവിനായി കാത്തിരിക്കുന്ന ആരാധകുരും എന്തായാലും പുറത്തുവന്ന ചിത്രങ്ങളെ ആഘോഷമാക്കുകയാണ്.