ആത്മീയതയുടെയും അഖണ്ഡതയുടെയും ആഘോഷമായ നവരാത്രിയുടെ ഭക്തിനിർഭരമായ 9 ദിവസങ്ങൾക്ക് തുടക്കമായി. ഗുരുദേവ് ശ്രീശ്രീരവിശങ്കർജിയുടെ നിറസാന്നിദ്ധ്യത്തിൽ ആർട് ഓഫ് ലിവിങ് ബെംഗളൂരു ആശ്രമത്തിൽ നവരാത്രി ആഘോഷത്തിന് തിരി തെളിഞ്ഞു. കേരളത്തിലെ പ്രമുഖ ആർട് ഓഫ് ലിവിങ് ആശ്രമങ്ങളിലും ഒരേ സമയം പൂജകൾ നടക്കും.തിന്മയുടെ മേൽ നന്മ! ഇതാണ് ഗുരുദേവ് ശ്രീശ്രീരവിശങ്കർജി നൽകുന്ന നവരാത്രി സന്ദേശം.

പൂജ ,ഹോമം ,സത്സംഗ് ,ധ്യാനം ,പ്രസാദവിതരണം, സർവ്വോപരി ഒൻപത് ദിവസങ്ങളിലും ഗുരുദേവിന്റെ സാമീപ്യവും അനുഗ്രവും എന്നിവയാൽ സമൃദ്ധമായ ആഘോഷപരിപാടിയാണ് ആശ്രമത്തിൽനടക്കുന്നത് .മന്ത്രപൂരിതമായ ആത്മീയാന്തരീക്ഷത്തിലേക്ക് ഭാരതത്തിലും വിദേശരാജ്യങ്ങളിലുമുള്ള പതിനായിരങ്ങൾ ഒഴുകിയെത്തിക്കൊണ്ടിരിക്കുന്നതായി ആർട് ഓഫ് ലിവിങ് സംസ്ഥാന മീഡിയ കോർഡിനേറ്റർ ദിവാകരൻ ചോമ്പാല അറിയിക്കുന്നു.