തിരുവനന്തപുരം: മലയാളത്തിന്റെ ഹാസ്യ സമ്രാട്ട് ജഗതി ശ്രീകുമാറിന് സംഭവിച്ച അപകടം വേദനയിലാഴ്‌ത്തിയത് ഓരോ സിനിമാ ആസ്വാദകനേയുമാണ്. മലയാളത്തിന്റെ പ്രിയ താരത്തിന്റെ തമാശകൾ കണ്ട് മനസ്സറിഞ്ഞ് ചിരിച്ചവരാണ് ഓരോ മലയാളികളും. ഇപ്പോഴും അദ്ദേഹത്തിന്റെ പഴയ സിനിമകൾ കണ്ട് ചിരിക്കുകയും ചെയ്യുന്നു. ഇതിനിടയിൽ സിനിമാ സാംസ്‌കാരിക രംഗത്തെ പ്രമുഖർ അദ്ദേഹത്തെ കാണുവാൻ വീട്ടിലെത്തുകയും ഇക്കാര്യം വാർത്തകളിൽ ഇടം പിടിക്കുകയും ചെയ്തിരുന്നു.

അപകടത്തിന്റെ ആഘാതം അദ്ദേഹത്തിന്റെ സംസാര ശേഷിയെ വരെ ബാധിച്ചു. വീൽചെയറിലാണ് കഴിയുന്നതെങ്കിലും അദ്ദേഹത്തിന്റെ ആരോഗ്യനിലയിൽ പുരോഗതിയുണ്ടാകുന്നുണ്ടെന്നാണ് റിപ്പോർട്ട്. ഈ അവസരത്തിലാണ് നടി നവ്യാ നായർ ജഗതിയെ സന്ദർശിച്ച വിവരം സമൂഹ മാധ്യമത്തിൽ വൈറലാകുന്നത്. അമ്മയ്ക്കൊപ്പം ജഗതിയുടെ വീട്ടിലെത്തിയ നവ്യ ഏറെനേരം ചിലവഴിച്ച ശേഷമാണ് മടങ്ങിയത്.

ജഗതിയുടെ വിശേഷങ്ങൾ ചോദിച്ചും കണ്ടും അറിഞ്ഞ നവ്യ മറക്കാനാവത്ത നിമിഷങ്ങളാണ് പങ്കുവയ്ച്ചത്. ഏറെക്കാലത്തിന് ശേഷം ജഗതി മനം നിറഞ്ഞ് പാടുകയും ചെയ്തു. 'മാണിക്യവീണയുമായെൻ മനസിന്റെ' എന്നു തുടങ്ങുന്ന ഗാനം ഇരുവരും ചേർന്ന് മനോഹരമായി പാടുകയായിരുന്നു. സന്ദർശനത്തിന്റെ വിശേഷങ്ങളും ഗാനാലാപനവും താരം തന്നെ സോഷ്യൽ മീഡിയയിലൂടെ പങ്കുവച്ചിട്ടുണ്ട്.

 
 
 
View this post on Instagram

Ever memorable moments in my life ... i was nothing but choked with emotions ..

A post shared by Navya Nair (@navyanair143) on