ന്യൂഡൽഹി: 56 ഇഞ്ച് നെഞ്ചല്ല; വേണ്ടത് നാലിഞ്ച് ഹൃദയമെന്ന് മോദിയോട് തൃണമൂൽ എംപി. ദേറക് ഒബ്രയാനാണ് മോദിക്ക് ഉപദേശം നൽകിയത്. മതംമാറ്റ വിഷയത്തിൽ പ്രധാനമന്ത്രി പാർലമെന്റിൽ പ്രസ്താവന നടത്തണമെന്ന ആവശ്യമുന്നയിക്കവെയാണ് തൃണമൂൽ എംപിയുടെ ഉപദേശം. രാജ്യത്തിനാവശ്യം വലുതും ഉറച്ചതുമായ നെഞ്ചുള്ള പ്രധാനമന്ത്രിയേയാണെന്ന മോദിയുടെ തിരഞ്ഞെടുപ്പു പ്രചാരണ കാലത്തെ പ്രസംഗത്തിന്റെ പശ്ചാത്തലത്തിലാണ് തൃണമൂൽ എംപിയുടെ പരിഹാസം.