ക്രിസ്മസ് ബ്രി്ട്ടനിൽ ആഘോഷത്തിന്റെ കാലമാണ്. ആടിയും പാടിയും തെരുവിൽ കൂത്താടിയും അവരാഘോഷിക്കുന്നു. ക്രിസ്മസിന് മുമ്പുള്ള അവസാന വെള്ളിയാഴ്ച അവർ വീക്കെൻഡിനെ സ്വാഗതം ചെയ്തത് നിലയ്ക്കാത്ത ആഘോഷങ്ങളുടെ മറ്റൊരു രാവാണ് സമ്മാനിച്ചത്. മാഞ്ചസ്റ്ററിലും ന്യൂകാസിലിലും ബർ്മ്മിങ്ങാമിലും ലിവർപൂളിലുമൊക്കെ കുടിച്ച് ബോധമില്ലാതെ തെരുവിൽ കിടന്നവരേറെയാണ്. ആഘോഷം സംഘർഷത്തിലേക്ക് പോകാതിരിക്കാൻ സദാ ജാഗ്രതയോടെ പൊലീസുമുണ്ടായിരുന്നു.

ബാറുകളും ക്ലബ്ബുകളും പബ്ബുകളുമായിരുന്നു ആഘോഷത്തിന്റെ കേന്ദ്രങ്ങൾ. ക്രിസ്മസ് ഫാൻസി ഡ്രസ്സിൽ പലരും വന്നപ്പോൾ ചിലർ കുടിച്ചുകൂത്താടി തുണിപോലും ഇല്ലാത്ത അവസ്ഥയിലായിരുന്നു. മദ്യപിച്ച് അബോധാവസ്ഥയിലായ യുവതികളും യുവാക്കളും തെരുവിൽ ഛർദിച്ചുകിടക്കുന്നതും കാണാമായിരുന്നു. ചിലർ അനങ്ങാൻ പോലുമാവാത്ത അവസ്ഥയിൽ തെരുവിൽത്തന്നെ കിടന്നു. ഇവരെ പാരമെഡിക്കൽ വിഭാഗവും പൊലീസുകാരും സഹായിക്കുകയും ചെയ്തു.

ക്രിസ്മസിന് മുമ്പുള്ള അവസാന വീക്കെൻഡിനെ സ്വാഗതം ചെയ്യുന്നതിനായി വിവിധ പരിപാടികളാണ് നഗരങ്ങളിൽ ഒരുക്കിയിരുന്നത്. സാന്റയുടെ വസ്ത്രമണിഞ്ഞ പരേഡുകളായിരുന്നു പ്രധാനം. ക്രിസ്മസ് വസ്ത്രങ്ങളണിഞ്ഞവരായിരുന്നു ബാറുകളിലേറെയും. കഴിഞ്ഞയാഴ്ച നടന്ന സമാനമായ പരിപാടിയിൽ പലയിടത്തും യുവാക്കൾ ഏറ്റുമുട്ടിയിരുന്നു. ഇതിന്റെയടിസ്ഥാനത്തിൽ കനത്ത പൊലീസ് നിരീക്ഷണം ഏർപ്പെടുത്തിയിരുന്നു. സമാധാനപരമായിരുന്നു ആഘോഷങ്ങളെല്ലാം.