മള്ളിയൂർ മഹാഗണപതി ക്ഷേത്രത്തിലെ വിനായക ചതുർത്ഥി ഉത്സവം; നാളെ കൊടിയേറും

മള്ളിയൂർ: മഹാഗണപതി ക്ഷേത്രത്തിലെ വിനായക ചതുർഥി ആഘോഷത്തിന് നാളെ കൊടിയേറും. 22-നാണ് വിനായക ചതുർഥി. 23-ന് നടക്കുന്ന ആറാട്ടോടുകൂടി ഉത്സവം സമാപിക്കും.

16-ന് രാവിലെ 10.30-ന് കൊടിയേറ്റിന് തന്ത്രി മനയത്താറ്റ് ഇല്ലത്ത് ആര്യൻ നമ്പൂതിരി മുഖ്യകാർമികത്വം വഹിക്കും. തുടർന്ന് സംഗീതസദസ്സ്. 17 മുതൽ 21 വരെ രാവിലെ എട്ടിന് കാഴ്ചശ്രീബലി. ഒൻപതിന് ഉത്സവബലി, രാത്രി 8.30-ന് വിളക്ക് എഴുന്നള്ളിപ്പ് എന്നിവ നടക്കും.

22-ന് പുലർച്ചെ അഞ്ചിന് 1008 നാളികേരത്തിന്റെ മഹാഗണപതി ഹോമം. മള്ളിയൂർ പരമേശ്വരൻ നമ്പൂതിരി മുഖ്യകാർമികത്വം വഹിക്കും. 11-ന് കാഴ്ചശ്രീബലി, വൈകീട്ട് 5.30-ന് വലിയ വിളക്ക്, 23-ന് വൈകീട്ട് നാലിന് ആറാട്ട് എന്നിവ നടക്കും.

കോവിഡ് മാനദണ്ഡങ്ങൾ പാലിച്ചുമാത്രമേ ഭക്തർക്ക് പ്രവേശനം അനുവദിക്കൂ. പ്രധാനപ്പെട്ട ചടങ്ങുകളും കലാപരിപാടികളും ഫേസ്‌ബുക്ക് പേജിലും യൂ ട്യൂബിലും തത്സമയം സംപ്രേഷണം ചെയ്യും.