സാമൂഹിക മാധ്യമം വഴി മുഖ്യമന്ത്രിയെ ആക്ഷേപിച്ചു; യുവാവ് അറസ്റ്റിൽ

മംഗലപുരം: സാമൂഹിക മാധ്യമം വഴി മുഖ്യമന്ത്രിയെ ആക്ഷേപിച്ച യുവാവിനെ മംഗലപുരം പൊലീസ് അറസ്റ്റ് ചെയ്തു. കൊയ്ത്തൂർക്കോണം നീന്തൽക്കുളത്തിന് സമീപം നീതു ഭവനിൽ സുജി(32)നെയാണ് പൊലീസ് പിടികൂടിയത്. ലൈംഗികച്ചുവയുള്ള ചിത്രം വ്യാജമായി നിർമ്മിച്ച് സാമൂഹിക മാധ്യമം വഴി പ്രചരിപ്പിച്ചുവെന്നാണ് കേസ്. മംഗലപുരം സിഐ. പി.ബി.വിനോദ് കുമാറിന്റെ നേതൃത്വത്തിലുള്ള പൊലീസ് സംഘമാണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ ജാമ്യത്തിൽ വിട്ടയച്ചു.