കൊല്ലം ശൂരനാട് ഗവ: ഇന്റർനാഷണൽ ഹയർ സെക്കൻഡറി സ്‌കൂളിലെ പൂർവ്വ വിദ്യാർത്ഥി സംഘടന സൗഹൃദം -89 ഈ കോവിഡ് മഹാമാരിയുടെ കാലം മാതൃകാപരമായ പ്രവർത്തനങ്ങളുമായി മുന്നോട്ട്. പാവപ്പെട്ട കുട്ടികൾക്ക് പഠന സൗകര്യം മെച്ചമാക്കാൻ ലാപ്‌ടോപ്, ടെലിവിഷൻ എന്നിവ എത്തിച്ചുകൊടുക്കാനും പരീക്ഷാ വിജയികളെ ആദരിക്കാനും സാമ്പത്തികമായി പിന്നോക്കം നിൽക്കുന്നവർക്ക് സൗജന്യ കിറ്റ് വിതരണം നടത്താനും സംഘടനക്ക് കഴിഞ്ഞു.

ഈ ഓണക്കാലത്തെ സംഘടന വരവേറ്റത് വ്യത്യസ്തമായിട്ടാണ്. കോവിഡ് മഹാമാരിക്ക് എതിരെ സ്വജീവൻ പണയപ്പെടുത്തി പ്രതിരോധം തീർത്ത ശൂരനാട് പൊലീസ് സ്റ്റേഷൻ, ഗവണ്മെന്റ് ആശുപത്രി, പഞ്ചായത്ത്, വില്ലേജ് എന്നീ സർക്കാർ സംവിധാനങ്ങളെ ആദരിക്കുകയും മാസ്‌കുകൾ, സാനിറ്റൈസർ എന്നിവ നൽകുകയും ചെയ്തു. ആരോഗ്യരംഗത്തു വോളന്റിയർ പ്രവർത്തനങ്ങളിൽ ഏർപ്പെടുന്നവരെയും പഞ്ചായത്തിലെ ആശാ പ്രവർത്തകരെയും അവരുടെ ഭവനങ്ങളിൽ എത്തി ആദരിക്കുവാനും ഓണക്കോടി നൽകുവാനും കഴിഞ്ഞു. പ്രവർത്തനങ്ങൾക്ക് പ്രസിഡന്റ് സന്തോഷ് വേലായുധൻ, സെക്രട്ടറി വി. അനിൽകുമാർ, ട്രഷറർ സിനു. എം. ജി എന്നിവർ നേതൃത്വം നൽകി.

 

ശൂരനാട്