തൃശൂർ: പുലിക്കളിയുടെ ചരിത്രം തിരുത്തിയെഴുതി ഇന്ന് ഓൺലൈൻ പുലിക്കളി. നാലോണ നാളായ ഇന്നു വൈകിട്ട് 3.30 മുതൽ 4.30 വരെയാണ് അയ്യന്തോൾ ദേശം പുലിക്കളി സംഘാടന സമിതിയുടെ ഫേസ്‌ബുക് പേജിൽ ലൈവ് പുലിക്കളി അരങ്ങേറുക.

16 പുലികൾ സൂം ആപ് വഴി പലയിടങ്ങളിൽ കളിക്കും. ഇത് ഒരു സ്‌ക്രീനിൽ പല വിൻഡോകളിലായി ഒരുമിച്ച് ഫേസ്‌ബുക് പേജിൽ സംപ്രേഷണം ചെയ്യും. 16 പേർക്കും അവരവരുടെ വീട്ടുമുറ്റത്ത് കളിക്കാനുള്ള സ്ഥലം നിശ്ചയിച്ചിട്ടുണ്ട്. മൊബൈലിലൂടെ നൽകുന്ന പുലിക്കൊട്ടിനനുസരിച്ചു പുലികൾ കളിക്കും. പുലിവേഷമെല്ലാം സാനിറ്റൈസ് ചെയ്ത് പുലികളുടെ വീടുകളിൽ എത്തിച്ചു. കോവിഡ് മൂലമുള്ള കർശന നിയന്ത്രണങ്ങൾ മൂലമാണ് പുലിക്കളി ഇത്തവണ ഒഴിവാക്കിയത്.

 

പുലിക്കളി