തായ്വാൻ കടലിടുക്കിലേക്കും ദക്ഷിണ ചൈനാ കടലിലേക്കും നുഴഞ്ഞുകയറിയ വിമാനം വെടിവച്ചിട്ടു; വിയറ്റ്‌നാമിന്റെ അതിർത്തിയിൽ തെക്കൻ ചൈനയിലെ സ്വയംഭരണാധികാരമുള്ള തീരപ്രദേശമായ ഗ്വാങ്സിയിൽ വിമാനം തകർന്നുവീണെന്നും അവകാശവാദം; ചൈനയുടെ സുഖോയ് എസ് യു-35 യുദ്ധവിമാനം തായ് വാൻ വ്യോമ പ്രതിരോധ സംവിധാനം വെടിവച്ചു വീഴ്‌ത്തിയെന്ന് റിപ്പോർട്ട്; സ്ഥിരീകരിക്കാതെ ചൈനയും
തായ്‌പെ: ചൈനയുടെ സുഖോയ് എസ് യു-35 യുദ്ധവിമാനം രാജ്യത്തെ വ്യോമ പ്രതിരോധ സംവിധാനം വെടിവച്ചു വീഴ്‌ത്തിയെന്ന് റിപ്പോർട്ട്. ഈ അവകാശവാദവുമായി തായ്വാൻ ട്വിറ്റർ ഉപയോക്താക്കൾ സോഷ്യൽ മീഡിയയിൽ സജീവമാണ്.
തായ്വാൻ കടലിടുക്കിലേക്കും ദക്ഷിണ ചൈനാ കടലിലേക്കും നുഴഞ്ഞുകയറിയ വിമാനമാണ് വെടിവച്ചിട്ടത്. ഈ വിമാനം വിയറ്റ്‌നാമിന്റെ അതിർത്തിയിൽ തെക്കൻ ചൈനയിലെ സ്വയംഭരണാധികാരമുള്ള തീരപ്രദേശമായ ഗ്വാങ്സിയിൽ വിമാനം തകർന്നു വീണെന്നാണ് റിപ്പോർട്ട്. പൈലറ്റിന് ഗുരുതരമായി പരുക്കേറ്റതായും റിപ്പോർട്ട് ഉണ്ട്. കൂടുതൽ വിവരങ്ങൾ ലഭ്യമായിട്ടില്ല. ഈ മേഖലയിൽ കുറച്ചു ദിവസമായി സംഘർഷം നിലനിൽക്കുകയാണ്. ഈ സാഹചര്യത്തിലാണ് ഈ റിപ്പോർട്ട് ചർച്ചയാകുന്നത്.
Next Story
