കുവൈറ്റ് സിറ്റി: സെന്റ് തോമസ് ഇവാഞ്ചലിക്കൽ ചർച്ച് ഓഫ് ഇന്ത്യ കുവൈറ്റ് ഇടവകയുടെ 55-ാം വാർഷികം 2020 സെപ്റ്റംബർ 11 വെള്ളിയാഴ്ച 5.30 PM മുതൽ എൻ ഇ സി കെ യിലെ പള്ളിയിലും , പാരിഷ് ഹാളിലുമായി വെച്ച് നടത്തപ്പെടും . എൻ ഇ സി കെ യുടെ കോവിഡ് 19 മാനദണ്ഡങ്ങൾ പാലിച്ചു നടക്കുന്ന ആരാധനക്കും സ്‌തോത്ര പ്രാത്ഥനക്കും ഇടവക വികാരി റവ. ജോൺ മാത്യു നേത്രത്വം നൽകും . വാർഷിക ആഘോഷങ്ങളുടെ ഭാഗമായി സെപ്റ്റംബർ 11 വെള്ളിയാഴ്ച രാവിലെ 9 മുതൽ 11 വരെ സൂം അപ്ലിക്കേഷൻ വഴി സഭയിലെ ബിഷപ്പന്മാർ, മുൻ വികാരിമാർ , മുൻ അംഗങ്ങൾ , അഭ്യുദയകാംക്ഷികൾ എന്നിവരെ ഉൾപ്പെടുത്തി ഒരു പൊതു വെബിനാർ സംഘടിപ്പിക്കും. സഭാ സെക്രട്ടറി റവ. എബ്രഹാം ജോർജ്ജ് ഈ മുഖ്യ സന്ദേശം നൽകും.

വാർഷിക ആഘോഷങ്ങളുടെ വിജയത്തിനായി വികാരി റവ. ജോൺ മാത്യു, സെക്രട്ടറി ബോണി കെ. എബ്രഹാം, ട്രഷർ ശ്രീ ബിജു സാമുവൽ , കമ്മറ്റി അംഗങ്ങൾ എന്നിവരുടെ നേതൃത്വത്തിൽ ക്രമീകരണങ്ങൾ നടക്കുന്നു. കൂടുതൽ വിവരങ്ങൾക്ക് ബന്ധപ്പെടുക: 99601739

 

ഇടവക ദിനം