മുംബൈ: വീടിനു പുറത്തു കളിച്ചുകൊണ്ടിരുന്ന മൂന്നു വയസ്സുകാരന്റെ ശരീരത്തിലൂടെ കാർ കയറിയിറങ്ങി. മഹാരാഷ്ട്രയിലെ മൽവാനിയിൽ വെള്ളിയാഴ്ചയാണു സംഭവം നടന്നത്. കുട്ടിയുടെ മുകളിലൂടെ കാർ കയറി ഇറങ്ങുന്നതിന്റെ ഞെട്ടിപ്പിക്കുന്ന വിഡിയോ പുറത്തുവന്നു. വാർത്താ ഏജൻസിയായ എഎൻഐയാണ് വിഡിയോ പുറത്തുവിട്ടത്.

ഗുരുതരമായി പരുക്കേറ്റ കുട്ടി ആരോഗ്യനില വീണ്ടെടുത്ത് ആശുപത്രി വിട്ടു. കാർ ഓടിച്ചിരുന്നയാൾക്കെതിരെ പൊലീസ് കേസെടുത്തിട്ടുണ്ട്. സംഭവത്തിന്റെ വിഡിയോ ഇന്നലെയാണ് വാർത്താ എജൻസിപുറത്തുവിട്ടത്. വീടിനു മുന്നിലെ റോഡിൽ കളിച്ചുകൊണ്ടിരുന്ന കുട്ടിയുടെ ശരീരത്തിൽ കാർ കയറുന്നതാണ് ദൃശ്യങ്ങൾ. വാഹനം വരുന്നതു കണ്ട കുട്ടിക്ക് ഓടിമാറാനുള്ള അവസരം കിട്ടിയില്ല. അതിനു മുൻപ് തന്നെ കാറിടിച്ചു വീഴ്‌ത്തുകയായിരുന്നു.

കാർ കയറിയിറങ്ങിമൂന്നു വയസ്സുകാരന്റെവിഡിയോശരീരത്തിലൂടെ