ഇരുചക്ര വാഹനങ്ങളിൽ പിന്നിൽ ഇരിക്കുന്നയാൾ ഹെൽമറ്റ് ധരിച്ചില്ലെങ്കിൽ ഒരു തവണ പിഴയും ശാസനയും. രണ്ടാമതു പിടിച്ചാൽ ലൈസൻസ് മൂന്ന് മാസത്തേക്ക് സസ്‌പെൻഡ് ചെയ്യും. ഇരുചക്ര വാഹനം ഓടിക്കുന്നവർക്ക് ഈ നിബന്ധന നിലവിലുണ്ട്.

പുക പരിശോധന സർട്ടിഫിക്കറ്റ് ഓൺലൈനിൽ
ഇതിനായി മോട്ടർ വാഹന വകുപ്പിന്റെ 'വാഹൻ' സോഫ്റ്റ്‌വെയറും പുക പരിശോധന കേന്ദ്രങ്ങളും തമ്മിൽ ബന്ധിപ്പിച്ചു. പരിശോധന കേന്ദ്രത്തിൽ നിന്നു തന്നെ സർട്ടിഫിക്കറ്റ് ലഭിക്കും. സർട്ടിഫിക്കറ്റിന്റെ കാലാവധി കഴിയുമ്പോൾ വാഹന ഉടമയ്ക്ക് എസ്എംഎസ് സന്ദേശം ലഭിക്കും.

ലോട്ടറി വകുപ്പിൽ 3 മാറ്റങ്ങൾ
ഭാഗ്യമിത്ര പ്രതിമാസ ലോട്ടറി ടിക്കറ്റ് ഇന്നു പുറത്തിറക്കും. ഒരു കോടി വീതം 5 ഒന്നാം സമ്മാനങ്ങളാണ്. വില 100 രൂപ. എല്ലാ മാസവും ആദ്യ ഞായറാഴ്ചയാണു നറുക്കെടുപ്പ്. ലോട്ടറി വകുപ്പിനു പുതിയ വെബ്‌സൈറ്റ്. ംംം.േെമലേഹീേേലൃ്യ.സലൃമഹമ.ഴീ്.ശി. തൽസമയം ഫലം അറിയാം.

പുതിയ മൊബൈൽ ആപ്ലിക്കേഷനായ ആഒഅഏഥഅ ഗഋഞഅഘഅങ ഗൂഗിൾ പ്ലേ സ്റ്റോറിൽ. ലോട്ടറി ടിക്കറ്റിലെ ക്യൂആർ കോഡ് ഈ ആപ് വഴി സ്‌കാൻ ചെയ്താൽ ടിക്കറ്റ് ഒറിജിനലാണോ എന്നു തിരിച്ചറിയാം. നറുക്കെടുപ്പു ഫലം അറിയാം.

16 വിളകൾക്ക് അടിസ്ഥാന വില
16 ഇനം പഴം-പച്ചക്കറികൾക്ക് അടിസ്ഥാന വില പ്രാബല്യത്തിൽ. ഇവയുടെ വില താഴ്ന്നാൽ സംഭരിച്ച് അടിസ്ഥാന വില കർഷകരുടെ അക്കൗണ്ടിലേക്ക് നൽകുന്നതാണു പദ്ധതി. കർഷകർ www.aims.kerala.gov.in എന്ന വെബ് പോർട്ടലിൽ രജിസ്റ്റർ ചെയ്യണം.

സെക്രട്ടേറിയറ്റ് സുരക്ഷ
തുടർച്ചയായ സമരങ്ങൾ കണക്കിലെടുത്ത് സെക്രട്ടേറിയറ്റിലെ സുരക്ഷ വർധിപ്പിക്കുന്നു.

ശമ്പളബിൽ
സ്ഥലം മാറിപ്പോകുന്ന സർക്കാർ ഉദ്യോഗസ്ഥരുടെ ആ മാസത്തെ ശമ്പള ബിൽ, ചുമതലയേൽക്കുന്ന ഓഫിസിൽ മാത്രം തയാറാക്കിയാൽ മതി.

ഇൻഡേൻ ബുക്കിങ്ങിന് 77189 55555
ഇന്ത്യൻ ഓയിൽ കോർപറേഷന്റെ 'ഇൻഡേൻ' എൽപിജി റീഫിൽ ബുക്കിങ് നമ്പറുകൾ മാറി. പുതിയ നമ്പർ '77189 55555'. 16 അക്ക ഉപഭോക്തൃ തിരിച്ചറിയൽ നമ്പർ പുതിയ സംവിധാനത്തിൽ കൈമാറണം. എൽപിജി ഇൻവോയ്സ് / കാഷ് മെമോ / സബ്സ്‌ക്രിപ്ഷൻ വൗചർ തുടങ്ങിയവയിൽ ഈ തിരിച്ചറിയൽ നമ്പർ ലഭ്യമാണ്.

ലൈഫ് സർട്ടിഫിക്കറ്റ്
എല്ലാ കേന്ദ്രസർക്കാർ പെൻഷൻകാർക്കും ലൈഫ് സർട്ടിഫിക്കറ്റ് സമർപ്പിക്കാൻ ഇന്നു മുതൽ ഡിസംബർ 31 വരെ സമയം അനുവദിച്ചു. ബാങ്കുകൾക്ക് വിഡിയോ അധിഷ്ഠിത തിരിച്ചറിയൽ വഴിയും ലൈഫ് സർട്ടിഫിക്കറ്റ് സ്വീകരിക്കാം.

ബീച്ച്, സ്മാരകം കാണാം
കേരളത്തിലെ ബീച്ചുകൾ സഞ്ചാരികൾക്കായി തുറന്നു. സ്മാരകങ്ങളിലും മൃഗശാലകളിലും മറ്റന്നാൾ മുതൽ സന്ദർശകരെ അനുവദിക്കും. തൃപ്പൂണിത്തുറ ഹിൽ പാലസ് മ്യൂസിയത്തിൽ നവീകരണം നടക്കുന്നതിനാൽ സന്ദർശനം അനുവദിക്കില്ല.

നാളെ മുതൽ എൽപിജിക്ക് ഒടിപി പറയണം
തിരുവനന്തപുരം, കൊച്ചി നഗരങ്ങളിൽ നാളെ മുതൽ പാചക വാതക സിലിണ്ടർ വിതരണം ചെയ്യുമ്പോൾ ഉപയോക്താവിന്റെ മൊബൈൽ നമ്പറിൽ വന്ന ഒറ്റ തവണ പാസ്വേഡ് (ഒടിപി) വിതരണക്കാരനു പറഞ്ഞു കൊടുക്കണം.

 

ലൈസൻസ് സസ്‌പെൻഡ് ചെയ്യും.ഹെൽമറ്റ്