ജിദ്ദ: കാലിക്കറ്റ് യൂണിവേഴ്സിറ്റിയിൽ നിന്നും ബി എസ് സി ബോട്ടണി പരീക്ഷയിൽ ഒമ്പതാം റാങ്ക് നേടിയ കാടാമ്പുഴ സ്വദേശി അനഘയെ മാറാക്കര സി.എച്ച് സെന്റർ ജിദ്ദ കമ്മിറ്റി അനുമോദിച്ചു. മാറാക്കര സി.എച്ച് സെന്ററിൽ വെച്ച് നടന്ന ചടങ്ങിൽ ജിദ്ദ ചാപ്റ്റർ വക മെമെന്റോ കോട്ടക്കൽ മണ്ഡലം എംഎൽഎ പ്രൊഫ. ആബിദ് ഹുസൈൻ തങ്ങൾ റാങ്ക് ജേതാവ് അനഘക്ക് സമ്മാനിച്ചു.

മാറാക്കര സി. എച്ച് സെന്റർ ജിദ്ദ ചാപ്റ്റർ ജനറൽ കൺവീനർ മുജീബ് റഹ്മാൻ നെയ്യത്തൂർ, ജോ. കൺവീനർ മുകേഷ് പാങ്ങാട്ട്, മാറാക്കര ഗ്രാമ പഞ്ചായത്ത് പ്രസിഡന്റ് വി. മധുസൂദനൻ, സി. എച്ച് സെന്റർ ചെയർമാൻ ഒ. കെ സുബൈർ, ജനറൽ കൺവീനർ സി. അബ്ദുറഹ്മാൻ മാസ്റ്റർ, മുൻ പഞ്ചായത്ത് പ്രസിഡന്റ് എ.പി മൊയ്ദീൻ കുട്ടി മാസ്റ്റർ, കുഞ്ഞുട്ടി ഹാജി, എ.പി ജാഫർ തുടങ്ങിയവർ പരിപാടിയിൽ സംബന്ധിച്ചു.

റാങ്ക്