വിവാഹം എങ്ങനെ എല്ലാം ആഘോഷമാക്കാം എന്ന് ഗവേഷണം നടത്തുന്നവരാണ് പുതു തലമുറ. അതുകൊണ്ട് തന്നെ വിവാഹം വ്യത്യസ്തമാക്കാൻ വരനും വധുവുമെല്ലാം വിവാഹ വേദിയിൽ നൃത്തച്ചുവടുകളുമായി എത്തുന്നതും പതിവാണ്. എന്നാൽ ഇതുപോലൊരു കിടുക്കാച്ചി ഡാൻസുമായി വേദിയിൽ എത്തുന്ന വധു വിരളമായിരിക്കും. അത്രയയ്ക്കും അടിപൊളിയാക്കി മാറ്റിയിരിക്കുകയാണ് മഹാരാഷ്ട്രയിൽ നിന്നുള്ള ഒരു വധു തന്റെ ഡാൻസ്.

സാധാരണ വധുമാർ വിവാഹാഘോഷത്തിന് അനുയോജ്യമായ പാട്ടുകളും ലളിതമായ ചുവടുകളുമൊക്കെയാണ് ഈ അവസരത്തിൽ തിരഞ്ഞെടുക്കാറുള്ളത്. എന്നാൽ ഒരു അടിപൊളി ഗാനത്തിന് തകർപ്പൻ നൃത്തച്ചുവടുകളുമായി വേദിയിലേക്ക് എത്തിയത് വധു സോഷ്യൽ ലോകത്തെ അമ്പരപ്പിച്ചിരിക്കുകയാണ്.

'ഏക് പഹേലി ലീലാ' എന്ന ചിത്രത്തിലെ 'മേരാ സയ്യാൻ സൂപ്പർ സ്റ്റാർ' എന്ന ഗാനത്തിന് ചുവടുവച്ചാണ് വധു വേദിയിലേക്ക് എത്തിയത്. സാരിക്കും ആഭരണങ്ങൾക്കുമൊപ്പം ഒരു സൺ ഗ്ലാസും അണിഞ്ഞിരുന്നു. വളരെ അനായാസവും ഊർജസ്വലവുമായി വധുവിന്റെ ഡാൻസ് കണ്ട് സദസ്സിലുള്ളവർ അമ്പരന്ന് നോക്കിയിരിക്കുന്നത് വിഡിയോയിൽ കാണാം. ആദ്യം അമ്പരന്നെങ്കിലും വേദിയിൽനിന്ന് നിറചിരിയോടെ വധുവിനെ പ്രോത്സാഹിപ്പിക്കുകയാണ് വരൻ ചെയ്യുന്നത്. വരന്റെ കയ്യിൽ ചുംബിച്ചാണ് വധു നൃത്തം അവസാനിപ്പിച്ചത്.

വിഡിയോ വൈറലായതിനു പിന്നാലെ വധുവിനെ അഭിനന്ദനങ്ങൾ കൊണ്ട് മൂടുകയാണ് സോഷ്യൽ ലോകം. ഇത്രയും ആവേശത്തോടെ നൃത്തം ചെയ്യുന്ന വധുവിനെ സമീപകാലത്തൊന്നും കണ്ടിട്ടില്ലെന്നാണ് കമന്റുകൾ.

 

ഡാൻസ്.വധു