കൊടുങ്ങല്ലൂർ: എക്‌സൈസ് ഇൻസ്‌പെക്ടറുടെ കാർ തടഞ്ഞു നിർത്തി ആക്രമിച്ചു. കൊല്ലം കരുനാഗപ്പിള്ളി സ്വദേശി സി.ആർ. പത്മകുമാർ ( 51) ആണു ആക്രമിക്കപ്പെട്ടത്. കഞ്ചാവ് കേസിലുൾപ്പെട്ട യുവാവും സംഘവും എക്‌സൈസ് ഇൻസ്‌പെക്ടറെ വഴിയിൽ തടഞ്ഞ് ആക്രമിക്കുക ആയിരുന്നു. കഴിഞ്ഞ രാത്രി 11.30നായിരുന്നു സംഭവം.

എക്‌സൈസ് ഇൻസ്‌പെക്ടറുടെ മൊഴി പ്രകാരം തിരുവള്ളൂർ സ്വദേശി ശരത്ത് ( കുഞ്ഞൻ ) ഉൾപ്പടെ 4 പേർക്കെതിരെ പൊലീസ് കേസെടുത്തു. ശൃംഗപുരം ജംക്ഷനു സമീപമുള്ള എക്‌സൈസ് സർക്കിൾ ഓഫിസിൽ നിന്നു ഡ്യൂട്ടി കഴിഞ്ഞു പടാകുളം വെസ്റ്റിലുള്ള താമസ സ്ഥലത്തേക്കു മടങ്ങുന്നതിനിടെയായിരുന്നു ആക്രമണം.

സ്വന്തം വാഹനത്തിലായിരുന്നു യാത്ര. പടാക്കുളം ജംക്ഷനു സമീപം രണ്ടു പേർ കൈ കാണിച്ചു കാർ നിർത്തി.അസഭ്യം പറയുകയും ഭീഷണി മുഴക്കുകയു ചെയ്തു. എക്‌സൈസ് ഇൻസ്‌പെക്ടർ ആണെന്നും എന്താണു ആവശ്യമെന്നും ചോദിച്ചപ്പോഴേക്കും സംഘം ആക്രമിക്കുകയായിരുന്നു.

 

ആക്രമിച്ചു;എക്‌സൈസ് ഇൻസ്‌പെക്ടർകാർ തടഞ്ഞു