നടി കങ്കണ റനൗട്ടിന്റെ ചെരുപ്പു കളക്ഷൻ കണ്ട് അതിശയിച്ച് ആരാധകർ. നടി സമൂഹമാധ്യമത്തിലൂടെ പങ്കുവെച്ച ചെരുപ്പുകളുടെ ശേഖരമാണ് ആരാധകർ ചർച്ചയാക്കുന്നത്. പുതുവർഷത്തിനു മുന്നോടിയായി വീട് വൃത്തിയാക്കുമ്പോൾ പകർത്തിയ ചിത്രമാണ് കങ്കണ സമൂഹമാധ്യമത്തിലൂടെ പങ്കുവച്ചത്. നിലത്തിരുന്ന് കങ്കണ ചെരിപ്പ് തുടയ്ക്കുന്നത് ചിത്രമാണ് പോസ്റ്റ് ചെയ്തത്.

ചിത്രത്തിൽ താരത്തിന്റെ വസ്ത്രങ്ങളും ബാഗും ഉൾപ്പെടയുള്ള വസ്തുക്കളും കാണാം. എങ്കിലും ആരാധകരുടെയും ഫാഷനിസ്റ്റകളുടെയും കണ്ണുടക്കിയത് ചെരിപ്പുകളുടെ ശേഖരത്തിലാണ്. വൈവിധ്യമാർന്ന നിരവധി ചെരിപ്പുകളാണ് കങ്കണയുടെ കലക്ഷനിലുള്ളത്.

വീട്ടിലെത്തിയതു മുതൽ വൃത്തിയാക്കുന്ന ജോലിയിലായിരുന്നുവെന്ന് കങ്കണ ചിത്രത്തിനൊപ്പം കുറിച്ചു. വൃത്തിയാക്കലെല്ലാം പൂർത്തിയാക്കി 2021 ലേക്ക് ഒരു രാഞ്ജിയായി പ്രവേശിക്കുമെന്നും കങ്കണ പറയുന്നു.

നിരവധി രസകരമായ കമന്റുകളാണ് ആരാധകർ ചിത്രത്തിനു നൽകിയത്. ചെരിപ്പ് കടയിൽ കയറിയതു പോലെ എന്ന് ചിലർ വിസ്മയം കൊള്ളുമ്പോൾ, ഇതിനെല്ലാം കൂടി എത്ര രൂപ ആയിട്ടുണ്ടാകും എന്ന സംശയത്തിലാണ് ചിലർ. എന്നാൽ ഇതിൽ ആശ്ചര്യപ്പെടേണ്ടതില്ലെന്നും ബോളിവുഡ് താരങ്ങൾക്ക് ഇത്ര ചെരിപ്പുകളും മറ്റ് ആക്‌സസറികളും ഇല്ലെങ്കിലാണ് അദ്ഭുതപ്പെടേണ്ടത് എന്നും കമന്റുകളുണ്ട്.

കങ്കണചെരുപ്പു