ലഖ്‌നൗ: ജന്മദിനത്തിൽ രണ്ടു പേർ തോക്ക് ഉപയോഗിച്ച് കേക്ക് മുറിക്കുന്നതിന്റഖെ വീഡിയോ സോഷ്യൽ മീഡിയയിൽ വൈറലായതിന് പിന്നാലെ ഇരുവരേയും പൊലീസ് അറസ്റ്റ് ചെയ്തു. ഉത്തർപ്രദേശിലെ ഹാപൂരിലാണ് വിചിത്രമായ കേക്കുമുറി നടന്നത്. 20 സെക്കൻഡ് ദൈർഘ്യമുള്ള വീഡിയോ സമൂഹമാധ്യമങ്ങളിൽ വൈറലായതോടെയാണ് കേക്ക് മുറിച്ച ഇരുവരെയും പൊലീസ് അറസ്റ്റ് ചെയ്തത്.

അറസ്റ്റിലായവരിൽ ഒരാളായ ഷാനവാസിന്റെ ജന്മദിനാഘോഷമാണ് നടന്നത്. സുഹൃത്ത് ഷാക്കിബും തോക്ക് ഉപയോഗിച്ച് കേക്ക് മുറിച്ചിരുന്നു. ഇതോടെ ഇരുവരെയും പൊലീസ് അറസ്റ്റ് ചെയ്യുക ആയിരുന്നു. ആൾക്കൂട്ടത്തിനു മുന്നിൽ വെച്ച് രണ്ട് പേർ ചേർന്ന് പിറന്നാൾ കേക്ക് തോക്ക് കൊണ്ട് മുറിക്കുന്നതാണ് 20 സെക്കൻഡ് ദൈർഘ്യമുള്ള വീഡിയോയിലുള്ളത്.

പാട്ടും ഒച്ചപ്പാടുമെല്ലാം പശ്ചാത്തലത്തിൽ കേൾക്കാം. മുറിച്ചവരുടെ മുഖവും വ്യക്തമാണ്. തുടർന്നാണ് ആളെ എളുപ്പം തിരിച്ചറിഞ്ഞ് വൈകാതെ പൊലീസ് അറസ്റ്റ് രേഖപ്പെടുത്തിയത്. കേസുമായി ബന്ധപ്പെട്ട് രണ്ടുപേരെ അറസ്റ്റ് ചെയ്തതായും കേക്ക് മുറിക്കാൻ ഉപയോഗിച്ച പിസ്റ്റൾ കണ്ടെടുത്തതായും ഹാപൂർ പൊലീസ് ട്വീറ്റ് ചെയ്തു.

തോക്ക്