പ്രണയ ദിനത്തിൽ മകനെ പരിചയപ്പെടുത്തി മേഘ്‌നാ രാജ്; കുഞ്ഞു സിമ്പയെ ഏറ്റെടുത്ത് ആരാധകർ

പ്രണയ ദിനത്തിൽ മകനെ ആദ്യമായി പരിചയപ്പെടുത്തി നടി മേഘ്‌നാ രാജ്. ചിരിച്ചു കൊണ്ടുള്ള കുഞ്ഞു സിമ്പയുടെ വീഡിയോ പങ്കുവെച്ചു കൊണ്ടാണ് മേഘ്‌ന മകനെ ആരാധകർക്ക് പരിചയപ്പെടുത്തിയത്. എല്ലാവരുടേയും സ്‌നേഹത്തിന് നന്ദി പറഞ്ഞുകൊണ്ടുള്ള കുറിപ്പും നടി പങ്കുവെച്ചിട്ടുണ്ട്.

''ഞാൻ ജനിക്കുന്നതിന് മുമ്പ് തന്നെ നിങ്ങൾ എന്നെ സ്‌നേഹിച്ചു. നമ്മൾ തമ്മിൽ ആദ്യമായി കാണുമ്പോൾ അമ്മയ്ക്കും അപ്പയ്ക്കും നിങ്ങൾ നൽകിയ സ്‌നേഹത്തിനും പിന്തുണയ്ക്കും എന്റെ ഈ കുഞ്ഞു ഹൃദയത്തിന്റെ അടിത്തട്ടിൽ നിന്നും നന്ദി പറയുന്നു. നിങ്ങളെല്ലാവരും കുടുംബമാണ്.. നിരുപാധികം സ്‌നേഹിക്കുന്ന കുടുംബം'', എന്ന് ജൂനിയർ ചിരു പറയുന്ന രീതിയിലായിരുന്നു മേഘ്‌നയുടെ അടിക്കുറിപ്പ്.

 

 

 

View this post on Instagram

A post shared by Meghana Raj Sarja (@megsraj)

കഴിഞ്ഞ വർഷം ജൂൺ ഏഴിനാണ് ഹൃദയാഘാതത്തെ തുടർന്ന് മേഘ്‌നയുടെ ഭർത്താവും നടനുമായ ചിരഞ്ജീവി സർജ മരിച്ചത്. ഒക്ടോബറിലായിരുന്നു സിംബയുടെ ജനനം.