യുവാവ് ഭാര്യക്ക് മിറർ സെൽഫി അയച്ചത് താൻ താമസിക്കുന്ന കാസിനോയുടെ ഭംഗി കാണിക്കാൻ; യുവതി കണ്ടത് കണ്ണാടിയുടെ അരുകിലിരിക്കുന്ന സ്ത്രീകളുടെ ഹെയർ സ്‌ട്രെയ്റ്റനറും; ഭർത്താവിന്റെ അവിഹിതം യുവതി കയ്യോടെ പിടിച്ചത് ഇങ്ങനെ
ഒറ്റയ്ക്ക് യാത്രപോയ യുവാവ് താൻ താമസിക്കുന്ന കാസിനോയുടെ സൗകര്യങ്ങൾ ഭാര്യക്ക് കാണിച്ചുകൊടുക്കാനായി എടുത്ത സെൽഫികൾ പണിയായി. ഹോട്ടൽ റൂമിലെ കണ്ണാടിക്ക് മുന്നിൽ നിന്നെടുത്ത മിറർ സെൽഫിയിൽ സ്ത്രീകളുടെ ഹെയർ സ്‌ട്രെയ്റ്റനറാണ് യുവാവിന് പണിയായത്. ഭർത്താവ് തന്നെ വഞ്ചിക്കുകയാണെന്നും കാസിനോയിൽ മറ്റൊരു സ്ത്രീ കൂടി ഭർത്താവിനൊപ്പം ഉണ്ടെന്നുമാണ് യുവതി ആരോപിക്കുന്നത്. സമൂഹ മാധ്യമങ്ങളിൽ ചിത്രങ്ങൾ സഹിതമാണ് യുവതിയുടെ ആരോപണം.
ഷെഷോഫ് എന്ന അമേരിക്കൻ യുവതിയാണ് തന്റെ ഭർത്താവിന്റെ രണ്ട് മിറർ സെൽഫികൾ സമൂഹ മാധ്യമങ്ങളിൽ പോസ്റ്റ് ചെയ്തത്. മറ്റൊരു സ്ത്രീയുടെ ഹെയർ സ്‌ട്രെയ്റ്റനർ ഫോട്ടോയിൽ കാണാം. സംഭവങ്ങൾ വിശദീകരിച്ച് അവൾ എഴുതി: 'എന്റെ ഭർത്താവ് കാസിനോയിലെ തന്റെ സ്യൂട്ടിൽ എല്ലാം മനോഹരമായി കാണാൻ ശ്രമിക്കുന്ന ചിത്രങ്ങൾ എനിക്ക് അയച്ചു. പക്ഷേ ചില വിചിത്രമായ കാര്യങ്ങൾ ഞാൻ ശ്രദ്ധിച്ചു, ഇപ്പോൾ അദ്ദേഹം അവിടെ ഏകനാണ്. അതെന്താണെന്ന് നിങ്ങൾക്ക് ഊഹിക്കാമോ? '
ചിത്രത്തിൽ സിങ്കിന് അടുത്തായി ഒരു ജോടി ഹെയർ സ്‌ട്രൈറ്റനറുകളും നീല ചീപ്പും ഉണ്ടായിരുന്നു. ഭർത്താവിന്റെ സ്വകാര്യത കാത്തുസൂക്ഷിക്കാനും യുവതി മറന്നില്ല. മുഖം മറച്ച ശേഷമാണ് യുവതി അയാളുടെ ഫോട്ടോ പോസ്റ്റ് ചെയ്തത്. ചിത്രത്തിൽ സിങ്കിന് അടുത്തായി ഒരു ജോടി ഹെയർ സ്‌ട്രൈറ്റനറുകളും നീല ചീപ്പും ഉണ്ടായിരുന്നു.കമന്റ് ചെയ്തവരെല്ലാം ഹെയർ സ്റ്റെയിനർ പരാമർശിക്കുന്നുണ്ട്. ഫോട്ടോകളിൽ ഇയാൾ വിവാഹ മോതിരം അണിഞ്ഞതായി കാണുന്നില്ലെന്നും ചിലർ ചൂണ്ടിക്കാട്ടുന്നു.
'ഞാൻ നിങ്ങൾക്ക് ഒരു അപ്‌ഡേറ്റ് നൽകാൻ ആഗ്രഹിക്കുന്നു. അദ്ദേഹം ആ രണ്ട് ചിത്രങ്ങളും എനിക്ക് അയച്ചപ്പോൾ ഞാൻ ആദ്യം ശ്രദ്ധിച്ചത് തീർച്ചയായും ഹെയർ സ്‌ട്രെയ്റ്റനറാണ്, അത് അവിടെത്തന്നെ കാണാനാകും.ഞാൻ ശ്രദ്ധിച്ച രണ്ടാമത്തെ കാര്യം തറയിലെ പേഴ്സ് ആയിരുന്നു, അത് ഒരു കോച്ച് ബാഗ് അല്ലെങ്കിൽ മൈക്കൽ കോഴ്സ് ബാഗ് പോലെയായിരുന്നു. അദ്ദേഹം പറഞ്ഞത് അത് തന്റെ ഹോട്ടൽ മുറിയല്ലെന്നും അത് ഒരു സുഹൃത്തിന്റെ മുറിയാണെന്നും അയാൾക്ക് അവിടെ കാമുകി ഉണ്ടാകാം എന്നുമായിരുന്നു. പക്ഷെ ഞാനത് വിശ്വസിക്കുന്നില്ല, കാരണം ഇതെല്ലാം വളരെ വിശദമാണ്, നിങ്ങൾ മറ്റാരുടെയെങ്കിലും മുറിയിൽ ഫോട്ടോയെടുക്കുന്നത് എന്തുകൊണ്ടാണ്? അതിനാൽ നിങ്ങൾ അവിടെ ഉണ്ടെങ്കിൽ 6 അടി 5 ഇഞ്ച് തവിട്ട് നിറമുള്ള മുടിയുള്ള ആരെയെങ്കിലും കണ്ടാൽ എന്നെ അറിയിക്കൂ, അവൻ കള്ളം പറയുകയാണോ എന്ന് ഞാൻ കണ്ടെത്താൻ ശ്രമിക്കുകയാണ്.'
