ബംഗാളിൽ പെട്രോളിനും ഡീസലിനും ഒരു രൂപ കുറഞ്ഞു; .വില കുറച്ചത് സംസ്ഥാന നികുതിയിൽ കുറവു വരുത്തി

കൊൽക്കത്ത: ബംഗാളിൽ പെട്രോളിനും ഡീസലിനും ഒരു രൂപ വില കുറച്ചു. സംസ്ഥാന നികുതിയിൽ കുറവു വരുത്തിയാണ് വിലകുറച്ചത്. പെട്രോളിൽ നിന്ന് കേന്ദ്രത്തിന് 32.90 രൂപ നികുതി ലഭിക്കുമ്പോൾ സംസ്ഥാനത്തിന് 18.46 രൂപ മാത്രമാണ് കിട്ടുന്നതെന്ന് ധനമന്ത്രി അമിത് മിത്ര പറഞ്ഞു. ഡീസലിന് 31.80 രൂപയുടെ നികുതി കേന്ദ്രത്തിനും 12.77 രൂപ സംസ്ഥാനത്തിനുമാണ്. സംസ്ഥാന വിഹിതത്തിൽ നിന്നു കുറവു വരുത്തിയാണ് ജനങ്ങൾക്ക് ആശ്വാസം നൽകുന്നതെന്ന് മന്ത്രി പറഞ്ഞു