ഡാലസ്: 2021 മാർച്ച് ആറാം തീയതി ശനിയാഴ്ച രാവിലെ സംഘടിപ്പിക്കുന്ന നൂറ്റിയമ്പത്തിയേഴാമത് അമേരിക്കൻ മലയാളി സാഹിത്യ സല്ലാപം 'ജോയനനുസ്മരണം' എന്ന പേരിലാണ് നടത്തുന്നത്. ഈയിടെ അന്തരിച്ച പ്രശസ്ത ബാല സാഹിത്യകാരനും അമേരിക്കൻ മലയാളിയുമായ ജോയൻ കുമാരകത്തോടുള്ള ആദര സൂചകമായിട്ടാണ് ഈ അനുസ്മരണം സംഘടിപ്പിച്ചിട്ടുള്ളത്. അദ്ദേഹത്തിന്റെ അടുത്ത സുഹൃത്തുക്കളായ തമ്പി ആന്റണി, പ്രേമ തമ്പി ആന്റണി, അഡ്വ. രാജൻ മർക്കോസ്, അഡ്വ. ശോഭന രാജൻ തുടങ്ങിയവർ ആദരാഞ്ജലി അർപ്പിച്ചുകൊണ്ട് സംസാരിക്കുന്നതാണ്. ജോയൻ കുമരകത്തെപ്പറ്റി കൂടുതൽ അറിയുവാനും മനസ്സിലാക്കുവാനുമുള്ള ഈ അവസരം അമേരിക്കൻ മലയാളികൾക്ക് പ്രയോജനപ്പെടുത്താവുന്നതാണ്. അമേരിക്കൻ മലയാളികളുമായി ബന്ധപ്പെട്ട മറ്റു സാമൂഹിക സാഹിത്യ സാംസ്‌കാരിക ഭാഷാ വിഷയങ്ങൾ സമഗ്രമായി ചർച്ച ചെയ്യുവാനും താത്പര്യമുള്ള സഹൃദയരായ എല്ലാ നല്ല ആളുകളെയും ഭാഷാസ്‌നേഹികളെയും അമേരിക്കൻ മലയാളി സാഹിത്യ സല്ലാപത്തിലെയ്ക്ക് ഹാർദ്ദമായി സ്വാഗതം ചെയ്യുന്നതായി ഭാരവാഹികൾ അറിയിച്ചു.

2021 ഫെബ്രുവരി ആറാം തീയതി ശനിയാഴ്ച സംഘടിപ്പിച്ച നൂറ്റിയമ്പത്തിയാറാമത് അമേരിക്കൻ മലയാളി സാഹിത്യ സല്ലാപം 'പത്ര പ്രവർത്തനം' എന്ന പേരിലാണ് നടത്തിയത്. പ്രമുഖ പത്രപ്രവർത്തകനായ ജോർജ്ജ് ജോസഫ്(ഇ-മലയാളി) ആണ് വിഷയം അവതരിപ്പിച്ചത്. അദ്ദേഹം മലയാളം പത്രത്തിന്റെ സീനിയർ എഡിറ്റർ, ഇംഗ്ലീഷ് പത്രമായ 'ഇന്ത്യാ എബ്രോഡി'ന്റെ ഡെപ്യുട്ടി മാനേജിങ് എഡിറ്റർ എന്നീ നിലകളിലും പ്രവർത്തിച്ചു. 'ഇന്ത്യ ലൈഫ് ആൻഡ് ടൈംസ്' എന്ന ഇംഗ്ലീഷ് മാസികയുടെയും എഡിറ്ററും പബ്ലിഷറുമായിരുന്നു. പത്ര പ്രവർത്തനം നേരിടുന്ന വെല്ലുവിളികൾ അദ്ദേഹം സരസമായി അവതരിപ്പിച്ചു. ആധുനിക പത്രപ്രവർത്തനം സമൂഹത്തിൽ ചെലുത്തുന്ന സ്വാധീനം വളരെ വലുതും പ്രസക്തവുമാണെന്ന് ചർച്ചകളിൽ പങ്കെടുത്തവർ അഭിപ്രായപ്പെടുകയുണ്ടായി.

ഡോ. കുര്യാക്കോസ് റിച്ച്മണ്ട്, ഡോ. തെരേസ ആന്റണി, ജോൺ ബി. കൂന്തറ, ജോൺ ആറ്റുമാലിൽ, പി. ടി. പൗലോസ്, സജി കരിമ്പന്നൂർ, ചാക്കോ ഇട്ടിച്ചെറിയ, രാജൻ മാർക്കോസ്, ജോർജ്ജ് വർഗീസ്, മാത്യു നെല്ലിക്കുന്ന്, ഗീതാ ജോർജ്ജ്, ജോസഫ് പൊന്നോലി, യു. എ. നസീർ, തോമസ് എബ്രഹാം, രാജു തോമസ്, ജോൺ കൊടിയൻ, ജോൺ എലക്കാട്ട്, വർഗീസ് എബ്രഹാം ഡെൻവർ, ജേക്കബ് കോര, എ. സി. ജോർജ്ജ്, തോമസ് എബ്രഹാം, ജോസഫ് മാത്യു, വർഗീസ് ജോയി, ജിബി ജോൺ, പി. പി. ചെറിയാൻ, ജെയിംസ് കുരീക്കാട്ടിൽ, സി. ആൻഡ്‌റൂസ്, ജയിൻ മുണ്ടയ്ക്കൽ എന്നിവർ സാഹിത്യ സല്ലാപത്തിൽ സജീവമായി പങ്കെടുത്തു. അമേരിക്കയിലെ വിവിധ ഭാഗങ്ങളിൽ നിന്നായി ധാരാളം ശ്രോതാക്കളും ഉണ്ടായിരുന്നു.

എല്ലാ മാസത്തിലെയും ആദ്യ ശനിയാഴ്ചയിലായിരിക്കും അമേരിക്കൻ മലയാളി സാഹിത്യ സല്ലാപം നടത്തുന്നത്. സല്ലാപത്തിൽ പങ്കെടുക്കുവാൻ എല്ലാ ആദ്യശനിയാഴ്ചയും രാവിലെ പത്തു മുതൽ പന്ത്രണ്ട് വരെ (ഈസ്റ്റേൺ സമയം) നിങ്ങളുടെ ടെലിഫോണിൽ നിന്നും താഴെ കൊടുത്തിരിക്കുന്ന ടെലിഫോൺ നമ്പരിലേയ്ക്ക് വിളിക്കാവുന്നതാണ് .....

1-857-232-0476 കോഡ് 365923

ടെലിഫോൺ ചർച്ചയിൽ പങ്കെടുക്കുന്ന എല്ലാവർക്കും ചോദ്യങ്ങൾ ചോദിക്കാൻ അവസരം ഉണ്ടായിരിക്കും. jain@mundackal.com, sahithyasallapam@gmail.com എന്ന ഇ-മെയിൽ വിലാസങ്ങളിൽ ചർച്ചയിൽ അവതരിപ്പിക്കാൻ താത്പര്യമുള്ള വിഷയങ്ങളും ചോദ്യങ്ങളും മുൻകൂറായി അയച്ചു കൊടുക്കാവുന്നതാണ്. കൂടുതൽ വിവരങ്ങൾക്ക് ബന്ധപ്പെടുക: 813-389-3395 / 469-620-3269

Join us on Facebook https://www.facebook.com/groups/142270399269590/

സാഹിത്യ സല്ലാപം