വിജയമന്ത്രങ്ങൾ മൂന്നാം ഭാഗം മാർച്ച് അവസാനത്തോടെ

ദോഹ: ഗൾഫിലെ മാധ്യമ പ്രവർത്തകനും ഗ്രന്ഥകാരനുമായ ഡോ. അമാനുല്ല വടക്കാങ്ങരയുടെ ഏറ്റവും പുതിയ പുസ്തകമായ വിജയ മന്ത്രങ്ങളുടെ മൂന്നാം ഭാഗം ഈ മാസം അവസാനം പുറത്തിറങ്ങും.

വിദ്യാർത്ഥികൾക്കും മുതിർന്നവർക്കും ഒരു പോലെ പ്രയോജനകരമായ മോട്ടിവേഷണൽ പാഠങ്ങളാണ് പുസ്‌കത്തിലുള്ളത്. മലയാളം ന്യൂസ് ദിനപത്രം പ്രസിദ്ധീകരിച്ച ലേഖന പരമ്പരയെ ആസ്പദമാക്കി മലയാളം പോഡ്കാസ്റ്റിലൂടെയും മലയാളം റേഡിയോയിലൂടെയും ജനസമ്മതി നേടിയ വിജയമന്ത്രങ്ങളുടെ പുസ്തകാവിഷ്‌കാരമാണിത്. വിജയമന്ത്രങ്ങളുടെ രണ്ട് ഭാഗങ്ങൾ നേരത്തെ പ്രസിദ്ധീകരിച്ചിരുന്നു.

കോഴിക്കോട് കേന്ദ്രമായി പ്രവർത്തിക്കുന്ന ലിപി പബ്‌ളിക്കേഷൻസാണ് പ്രസാധകർ ഡോ. അമാനുല്ല വടക്കാങ്ങരയുടെ അറുപത്തി ഏഴാമത് പുസ്തകമാണിത്.