അബുദാബി: കോവിഡ് നിയന്ത്രണത്തിന്റെ ഭാഗമായി അടച്ച സിനിമ തിയറ്ററുകൾ അബുദാബിയിൽ തുറന്നു. അകലം പാലിച്ച് 30% പേർക്കാണ് ഒരേസമയം സിനിമ കാണാൻ അനുമതി. കോവിഡ് മാനദണ്ഡം പാലിക്കുന്നവർക്കു മാത്രമേ തുറന്നു പ്രവർത്തിക്കാൻ അനുമതി നൽകുവെന്ന് ദേശീയ അത്യാഹിത ദുരന്ത നിവാരണ സമിതി അറിയിച്ചു. വാക്‌സിൻ എടുക്കാത്ത ജീവനക്കാർക്ക് രണ്ടാഴ്ചയിൽ ഒരിക്കൽ കോവിഡ് ടെസ്റ്റ് നിർബന്ധമാണ്.

മറ്റു നിബന്ധനകൾ ചുവടെ:

  • തീയറ്റർ, ഇടനാഴി, ശുചിമുറി, റസ്റ്റോറന്റ് തുടങ്ങി പൊതു ഇടങ്ങൾ സമയബന്ധിതമായി അണുവിമുക്തമാക്കണം
  • സിനിമാ ശാലകൾക്കകത്തും പുറത്തും സാമൂഹിക അകലം പാലിക്കണം
  • കൂട്ടം കൂടാൻ പാടില്ല
  • പ്രദർശനത്തിനു മുൻപും ശേഷവും തിയറ്റർ അണുവിമുക്തമാക്കണം
  • പ്രദർശനത്തിനിടയിൽ 2030 മിനിറ്റ് വരെ ഇടവേള.
  • പൊതു സ്ഥലങ്ങളിൽ സാനിറ്റൈസർ ലഭ്യമാക്കണം
  • ഒന്നിടവിട്ട സീറ്റുകളും വരികളും ഒഴിച്ചിടണം
  • അകത്തേക്കും പുറത്തേക്കുമുള്ള പ്രവേശനത്തിനു വ്യത്യസ്ത കവാടങ്ങൾ
  • ടിക്കറ്റ് ഓൺലൈനിൽ
  • ടച്ച് സ്‌ക്രീൻ പാടില്ല

 

സിനിമ തിയറ്ററുകൾ