കൊച്ചി: പാചകവാതകം ഉൾപ്പെടെയുള്ള ഇന്ധനങ്ങളുടെ വിലവർധനവിൽ പ്രതിഷേധിച്ച് ഓൾ കേരള കേറ്റഴ്സ് അസോസിയേഷൻ (എകെസിഎ) എറണാകുളം ജില്ലാ കമ്മറ്റിയുടെ നേതൃത്തത്തിൽ ഇന്ത്യൻ ഓയിൽ കോർപ്പറേഷന്റെ പനമ്പിള്ളി നഗറിലുള്ള ഓഫിസിനു മുന്നിൽ ധർണ നടത്തി. ടി.ജെ. വിനോദ് എംഎൽഎ ധർണ ഉദ്ഘാടനം ചെയ്തു. എകെസിഎ ജില്ലാ പ്രസിഡന്റ് വി.കെ. വറുഗീസ് അദ്ധ്യക്ഷത വഹിച്ച ചടങ്ങിൽ കേരള ഹോട്ടൽ റസ്റ്റോറന്റ് അസോസിയേഷൻ (കെഎച്ച്ആർഎ) സെക്രട്ടറി ജയപാൽ, എകെസിഎ വർക്കിങ്ങ് പ്രസിഡന്റ് ജിബി പീറ്റർ, സെക്രട്ടറി ഫ്രഡ്ഡി അൽമേഡ, ട്രഷറർ ആൻസൺ റൊസ്സാരിയോ, ജോയിന്റ് സെക്രട്ടറിമാരായ സുനിൽ ദാനിയേൽ, കെ.പി. ചെറിയാൻ തുടങ്ങിയവർ സംസാരിച്ചു.

 

കേറ്ററേഴ്സ് അസോസിയേഷൻ