പാലാ: പാലായുടെ മലയോരമേഖലകളിൽ ആവേശം വിതറി മാണി സി കാപ്പന്റെ ഭവന സന്ദർശനപരിപാടി പുരോഗമിക്കുന്നു. ഇന്നലെ (13/03/2021) തലനാട്ടിലാണ് ഭവന സന്ദർശന പരിപാടി നടത്തിയത്.

യു ഡി എഫ് നേതാക്കൾക്കൊപ്പം രാവിലെ തന്നെ സ്ഥാനാർത്ഥി മാണി സി കാപ്പൻ ഭവന സന്ദർശന പരിപാടികൾക്കു തുടക്കം കുറിച്ചു. മലയോര മേഖലയ്ക്കു മാണി സി കാപ്പൻ നൽകിയ കരുതൽ ഉയർത്തിക്കാട്ടിയാണ് വോട്ടു തേടുന്നത്. നഗര കേന്ദ്രീകൃതമാകാതെ മണ്ഡലത്തിലെ എല്ലാ മേഖലകളിലും വികസനമെത്തിക്കുക എന്നതാണ് തന്റെ കാഴ്ചപ്പാടെന്ന് മാണി സി കാപ്പൻ വോട്ടർമാരോടു പറഞ്ഞു.

തലനാട് മേഖലയിൽ 16 മാസങ്ങൾകൊണ്ട് നടപ്പാക്കിയ വികസന പ്രവർത്തനങ്ങളും പുതുതായി അനുവദിപ്പിച്ച പദ്ധതികളും മാണി സി കാപ്പൻ വോട്ടർമാരോട് വിശദീകരിക്കുന്നുണ്ട്. എല്ലാ മേഖലകളിലും ആവേശകരമായ സ്വീകരണമാണ് മാണി സി കാപ്പന് ലഭിച്ചു വരുന്നത്. യു ഡി എഫ് ജനപ്രതിനിധികളും അതത് മേഖലകളിൽ മാണി സി കാപ്പനെ അനുഗമിക്കുന്നുണ്ട്.

വ്യക്തികൾക്കു പുറമേ വിവിധ സ്ഥാപനങ്ങളിലും എത്തി മാണി സി കാപ്പൻ വോട്ടു തേടി.

ഇതോടൊപ്പം ജനസമക്ഷം വികസന സൗഹൃദ സദസുകളും നടന്നു വരികയാണ്. 16-ന് ഈ പരിപാടി സമാപിക്കും. ഇതോടെ മണ്ഡലത്തിലെ നൂറു കേന്ദ്രങ്ങളിലാണ് സൗഹൃദസദസ്സുകൾ പൂർത്തീകരിക്കും. ഇവിടെ നിന്നും ലഭിച്ച വികസന നിർദ്ദേശങ്ങൾ ക്രോഡീകരിച്ച് പാലായുടെ വികസനത്തിനായുള്ള മാസ്റ്റർ പ്ലാൻ തയ്യാറാക്കും.

 

മാണി സി കാപ്പൻ