- HOME
- NEWS
- POLITICS
- SPORTS
- CINEMA
- CHANNEL
- MONEY
- RELIGION
- INTERVIEW
- SCITECH
- OPINION
- FEATURE
- MORE
കാറും ജീപ്പും ഇനി ഉപയോഗിക്കില്ല; യാത്രകൾ ഇനി ബൈക്കിൽ: ഇന്ധന വിലയ്ക്കെതിരെ പ്രതിഷേധവുമായി നടൻ ജിനോ ജോൺ
ഇന്ധന വിലയ്ക്കെതിരെ വ്യത്യത്സമായ പ്രതിഷേധവുമായി നടൻ ജിനോ ജോൺ. കാറും ജീപ്പും ഇനി ഉപയോഗിക്കില്ലെന്നും ബജാജിന്റെ സിടി 100 ബൈക്ക് വാങ്ങി പ്രതിഷേധ യാത്രയ്ക്ക് ഒരുങ്ങുകയാണെന്നും നടൻ ജിനോ ജോൺ കുറിച്ചു കാറും ജീപ്പും ഒഴിവാക്കി ഇനി മുതൽ തന്റെ യാത്രകൾ ബൈക്കിൽ ആയിരിക്കുമെന്നും ഈ ശനിയാഴ്ച ആദ്യ പ്രതിഷേധ യാത്ര തുടങ്ങുകയാണെന്നും നടൻ കുറിച്ചു.
ജിനോ ജോണിന്റെ കുറിപ്പ്:
''കമോൺട്രാ മഹേഷേ'', എല്ലാവർക്കും നമസ്ക്കാരം,
ഞാൻ ബജാജിന്റെ സിടി 100 ബൈക്ക് ഒരെണ്ണം വാങ്ങി. വാങ്ങിയിട്ട് രണ്ട് മാസം കഴിഞ്ഞെങ്കിലും ആർ. സി ബുക്ക് ഇന്നലെ ആണ് കിട്ടിയത്. ഇത്രയും നാളും ഞാൻ യാത്രകൾക്കായി ഉപയോഗിച്ചു കൊണ്ടിരുന്ന കാറും ജീപ്പും ഇനി ഉപയോഗിക്കുന്നില്ല. അത് വിൽക്കാനാണ് പ്ലാൻ. ദിനംപ്രതി വർദ്ധിച്ചു വരുന്ന പെട്രോൾ, ഡീസൽ വില വർധനയിൽ പ്രതിഷേധിച്ച് ഇനി മുതൽ എന്റെ യാത്രകൾ ഇഠ 100 ബൈക്കിലായിരിക്കും.
ബൈക്കിന് പേരിട്ടു....'മഹേഷ്'... ഈ ഇലക്ഷൻ കാലത്ത് ഏറ്റവും അധികം ചർച്ച ചെയ്യേണ്ട ഒരു വസ്തുത ഇന്ധനവില വർധനയാണെങ്കിലും, സ്ഥാനാർത്ഥി നിർണയങ്ങളിൽ പെട്ട് അത് ആരും ഓർക്കാതെയായി. ഇന്ധനവില വർധനയുടെ തിക്താനുഭവങ്ങൾ കൃത്യമായി അറിയുന്നതു കൊണ്ട് ഞാൻ പ്രതിഷേധിക്കാൻ തിരുമാനിച്ചു. ആദ്യ പ്രതിഷേധ യാത്ര ശനിയാഴ്ച രാവിലെ അങ്കമാലിയിൽ നിന്ന് കന്യാകുമാരിയിലേക്ക്...
സിനിമാ അഭിനയത്തിനിടയിൽ ഇനി കിട്ടുന്ന സമയങ്ങൾ ചെറുതും, വലുതുമായ യാത്രകൾ നടത്തണം എന്ന് ഞാൻ ആഗ്രഹിക്കുന്നു. അതിന് പിന്നാലെ, ഒരു ഓൾ ഇന്ത്യ ട്രാവലിങ്. ഇതിനിടയിൽ കണ്ടെത്തുന്ന സ്ഥലങ്ങളും, ആളുകളെയും, അനുഭവങ്ങളും പങ്കുവെയ്ക്കാൻ ഒരു ട്രാവൽ ബ്ലോഗ് ചാനലും തുടങ്ങി. അപ്പോൾ ഞാനും എന്റെ മഹേഷും യാത്ര ആരംഭിക്കുന്നു... എല്ലാവരുടെയും, പ്രാർത്ഥനയും, കരുതലും, സ്നേഹവും പ്രതീക്ഷിച്ചു കൊണ്ട് സ്വന്തം ജിനോ ജോൺ.



