- HOME
- NEWS
- POLITICS
- SPORTS
- CINEMA
- CHANNEL
- MONEY
- RELIGION
- INTERVIEW
- SCITECH
- OPINION
- FEATURE
- MORE
ഒന്നിച്ച് അവധി ആഘോഷം അടിപൊളിയാക്കി ഗീതുവും പൂർണ്ണിമയും റിമയും പാർവ്വതിയും; നാൽവർ സംഘത്തിന്റെ ചിത്രങ്ങൾ ഏറ്റെടുത്ത് സോഷ്യൽ മീഡിയ
സിനിമയ്ക്കുള്ളിൽ നിന്നും കിട്ടുന്ന ചില സൗഹൃദങ്ങളെ ജീവിതത്തിലും പൊന്നു പോലെ നെഞ്ചിൽ ചേർത്തുകൊണ്ടു നടക്കുന്നവരുണ്ട്. ഇത്തരത്തിലുള്ള ഒരു സുഹൃദ് സംഘമാണ് നടി പൂർണ്ണിമാ ഇന്ദ്രജിത്തിന്റെയും ഗീതു മോഹൻദാസിന്റെയും. ഇരുവരും വർഷങ്ങളായി തങ്ങളുടെ ഈ സൗഹൃദം നെഞ്ചോട് ചേർത്ത് വച്ചിരിക്കുന്നു. പിന്നീട് ഈ സംഘത്തിലേക്ക് എത്തിച്ചേർന്നവരാണ് നടി റിമാ കല്ലിങ്കലും പാർവ്വതി തിരുവോത്തും. എല്ലാവരും നല്ലകട്ട സുഹൃത്തുക്കൾ.
ഇപ്പോൾ ഇവരെല്ലാം ഒന്നിച്ച് അവധി ആഘോഷിക്കുന്ന ചിത്രങ്ങൾ പ്രേക്ഷകരുടെ ഇടയിൽ വൈറലായിരിക്കുകയാണ്. ആർട്ടിസ്റ്റിക് ഡയറക്ടറായ സ്മൃതി കിരൺ കൊച്ചിയിൽ എത്തിയതിന്റെ ഭാഗമായിട്ടാണ് നാൽവർ സംഘം ഒത്തുകൂടിയത്. കളിചിരികളും തമാശകളും ഒക്കെയായി കൂടിച്ചേരൽ മറക്കാൻ പറ്റാത്ത ദിവസമാക്കി മാറ്റിയെന്ന് പുറത്തുവന്ന ഫോട്ടോകളിൽനിന്നും വ്യക്തം.
നാലു പേരും എത്ര നല്ല സുഹൃത്തുക്കളാണെന്ന് പുറത്ത് വന്ന ഫോട്ടോകളിൽ നിന്നും വ്യക്തമാണ്. ഗീതുവും പൂർണിമയും തമ്മിലുള്ള സൗഹൃദം ആ കുടുംബങ്ങൾക്കിടയിലും ഉണ്ട്. ഗീതുവുമായുള്ള സൗഹൃദത്തെ കുറിച്ചും മുൻപും പലതവണ പൂർണിമ സമൂഹമാധ്യമങ്ങളിൽ വാചാലയായിട്ടുണ്ട്.
റിമ കല്ലിങ്കലും പാർവതിയും തമ്മിലും അടുത്ത സൗഹൃദത്തിലാണ്. വൈറസ് എന്ന ചിത്രത്തിലാണ് ഇരുവരും ഒന്നിച്ച് ഏറ്റവും ഒടുവിൽ അഭിനയിച്ചത്. തങ്ങളുടെ ജീവിതത്തിലെ രസകരമായ നിമിഷങ്ങളും യാത്രകളും വിശേഷങ്ങളുമൊക്കെ ഇരുവരും സോഷ്യൽ മീഡിയയിൽ പങ്കുവയ്ക്കാറുണ്ട്.



