ഹൂസ്റ്റൺ: ആറു വയസ്സുകാരിയുടെ കയ്യിൽ നിന്നും വെള്ളം തുളുമ്പിയതിനെ തുടർന്ന് പ്രകോപിതനായ ബന്ധു കൈയിലുണ്ടായിരുന്ന റിവോൾവർ ഉപയോഗിച്ച് നിരവധി തവണ കുട്ടിയെ വെടിവച്ചതിനെ തുടർന്ന് കുട്ടി മരിച്ചു.

മാർച്ച് 19 വെള്ളിയാഴ്ച ഉച്ചയോടെ പസഡിനാ വേറെന്റോ അപ്പാർട്ട്മെന്റിലായിരുന്നു സംഭവം . വെടിയേറ്റ കുട്ടിയെ ഉടൻ ബെഷോർ ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല.

മരിച്ച കുട്ടിയെക്കുറിച്ചുള്ള വിവരങ്ങൾ കുടുംബാംഗങ്ങൾ വെളിപ്പെടുത്തി , ലൊറിയോൺ വാക്കർ എന്നാണ് കുട്ടിയുടെ പേരെന്നും വെടിവച്ചത് അവളുടെ തന്നെ ഒരു ബന്ധുവാണെന്നും അവർ പറഞ്ഞു.
വെടിവച്ചുവെന്ന് പറയപ്പെടുന്ന ബന്ധുവിനെ കസ്റ്റഡിയിൽ എടുത്തതായി പസഡിനാ പൊലീസ് അറിയിച്ചു.

കഴിഞ്ഞ ഞായറാഴ്ച കാറപകടത്തിൽ മരിച്ച ബന്ധുവിന്റെയും മുങ്ങുന്നു കുട്ടികളുടെയും സംസ്‌കാരച്ചടങ്ങിനു പങ്കെടുക്കാൻ പോകേണ്ടതിനാൽ ലോറിയോനെ ബന്ധുവിനെ ഏൽപ്പിക്കുകയായിരുന്നുവെന്ന് കുട്ടിയുടെ മാതാവ് പറഞ്ഞു.

സംഭവത്തെക്കുറിച്ച് പൊലീസ് അന്വേഷണം ആരംഭിച്ചു . രണ്ടാഴ്ചക്കുള്ളിൽ ലോറിയോന്റെ മാതാവിന് മകളടക്കം നാലുപേരാണ് രണ്ടു വ്യത്യസ്ത സംഭവങ്ങളിൽ നഷ്ടപ്പെട്ടത്.
കൊല