ഉഡുപ്പി: വളർത്തുനായയെ പിടിക്കാൻ വീടിനകത്തു കയറിയ പുള്ളിപ്പുലിയെ വീട്ടുകാർ പൂട്ടിയിട്ടു. തുടർന്ന് വനം വകുപ്പ് അധികൃതരെ അറിയിച്ചതിനെ തുടർന്ന് വീട്ടുകാർ പൂട്ടിയിട്ട പുലിയെ വനംവകുപ്പ് അധികൃതരെത്തി കൂട്ടിലാക്കി വനത്തിൽ വിട്ടു. ഇന്നലെ ഉഡുപ്പി ബ്രഹ്മാവറിലാണു സംഭവം.

ബ്രഹ്മാവർ നൈലാഡിയിൽ ഒരു വീട്ടിലെ വളർത്തു നായയെ പിന്തുടർന്നെത്തിയതായിരുന്നു പുലി. വളർത്തുനായയെ പിടിക്കാൻ വീടിനകത്തു കയറിയ പുള്ളിപ്പുലി കുടുങ്ങി. നായ പ്രാണരക്ഷാർഥം വീടിനകത്തേക്കു കയറി. പിന്നാലെ പുലിയും. ഇതോടെ വീട്ടുകാർ മുറി പുറത്തു നിന്നു പൂട്ടി വനം വകുപ്പിൽ വിവരം അറിയിച്ചു. തുടർന്നു വനം വകുപ്പ് അധികൃതരെത്തി ഒന്നര മണിക്കൂർ പണിപ്പെട്ട് പുലിയെ കൂട്ടിൽ കയറ്റി. വൈദ്യ പരിശോധനയ്ക്കു ശേഷമാണു പുലിയെ വനത്തിൽ വിട്ടത്.

 

പുലി