സിനിമയിൽ കരിയറിന് തുടക്കം കുറിച്ച കാലത്ത് തനിക്ക് നേരിടേണ്ടി വന്ന ദുരനുഭവങ്ങളെക്കുറിച്ച് തുറന്ന് പറഞ്ഞ് നടി പ്രിയങ്ക ചോപ്ര. അടിവസ്ത്രം മാത്രം ധരിച്ച് നൃത്തം ചെയ്യാൻ ഒരു സംവിധായകൻ തന്നോട് ആവശ്യപ്പെട്ടതായാണ് പ്രിയങ്കയുടെ വെളിപ്പെടുത്തൽ ഒപ്ര വിൻഫ്രെയ്ക്ക് നൽകിയ അഭിമുഖത്തിലാണ് സിനിമാ സെറ്റിൽ വച്ച് സംവിധായകനിൽ നിന്നും നേരിടേണ്ടി വന്ന ദുരനുഭവത്തെക്കുറിച്ച് താരം വെളിപ്പെടുത്തിയത്.

സംവിധായകൻ തന്നോട് അടിവസ്ത്രം ധരിച്ച് നൃത്തം ചെയ്യാൻ ആവശ്യപ്പെട്ടു. പിറ്റേന്ന് തന്നെ താൻ ആ സിനിമ ഉപേക്ഷിച്ചുപോകുകയായിരുന്നുവെന്നും പ്രിയങ്ക ചോപ്ര പറയുന്നു. അന്ന് ആ സംവിധായകനോട് തിരിച്ചൊന്നും പറയാനായില്ല എന്നതിൽ തനിക്ക് ഇന്നും കുറ്റബോധമുണ്ടെന്നും പ്രിയങ്ക വ്യക്തമാക്കി. എന്നാൽ ആ സംംവിധായകൻ ആരെന്ന് മാത്രം താരം വെളിപ്പെടുത്തിയില്ല.

മാതാപിതാക്കൾ നൽകിയ പിന്തുണയും ധൈര്യവുമാണ് എല്ലാത്തിനെയും നേരിടാനുള്ള കരുത്ത് തനിക്ക് നൽകിയതെന്ന് പ്രിയങ്ക പറയുന്നു. അന്ന് ആ സംവിധായകനോട് ഒന്നുമെനിക്ക് പറയാൻ സാധിച്ചില്ല. ഞാൻ വല്ലാതെ ഭയന്നിരുന്നു. അയാൾ ചെയ്തത് തെറ്റാണെന്ന് വിളിച്ചു പറയാൻ എനിക്കായില്ല. അതിലിന്നും എനിക്ക് കുറ്റബോധമുണ്ട്. ആ സാഹചര്യം കൈകാര്യം ചെയ്യാൻ ഒരു വഴിയേ മുന്നിൽ ഉണ്ടായിരുന്നുള്ളൂ.. അതിൽ നിന്നും ഇറങ്ങിപ്പോരുക. ഞാനത് ചെയ്തു', പ്രിയങ്ക പറയുന്നു

 

പ്രിയങ്കാ ചോപ്ര