ഫേസ്‌ബുക്ക് നീക്കം ചെയ്തത് 130 കോടി വ്യാജ അക്കൗണ്ടുകൾ; കോവിഡിനെ കുറിച്ച് തെറ്റായ റിപ്പോർട്ടുകൾ പ്രചരിപ്പിച്ച 1.2 കോടി ഉള്ളടക്കങ്ങളും നീക്കംചെയ്തു

ന്യൂയോർക്ക്: കഴിഞ്ഞവർഷം ഒക്ടോബർ മുതൽ ഡിസംബർവരെയുള്ള കാലയളവിൽ 130 കോടി വ്യാജ അക്കൗണ്ടുകൾ നീക്കം ചെയ്തതായി സാമൂഹികമാധ്യമമായ ഫേസ്‌ബുക്ക്. കോവിഡിനെക്കുറിച്ചും പ്രതിരോധവാക്‌സിനെക്കുറിച്ചും തെറ്റായ റിപ്പോർട്ടുകൾ പ്രചരിപ്പിച്ച 1.2 കോടി ഉള്ളടക്കങ്ങളും നീക്കംചെയ്തു.

ഫേസ്‌ബുക്കിൽവരുന്ന വിവരങ്ങളുടെ ആധികാരികത പരിശോധിക്കാൻ 35,000-ലധികംപേർ പ്രവർത്തിക്കുന്നുണ്ടെന്നാണ് കമ്പനി പറയുന്നത്. നിലവിൽ ഫേസ്‌ബുക്കിന് 270 കോടി ഉപഭോക്താക്കളാണുള്ളത്.