കണ്ണൂർ : ഐഫോൺ വിവാദത്തിൽ ആരോപിതയായ തന്റെ ഭാര്യ വിനോദിനി ഉപയോഗിക്കുന്ന ഫോൺ വില കൊടുത്ത് വാങ്ങിയതാണെന്ന് കോടിയേരി ബാലകൃഷ്ണൻ. ആരോപണങ്ങൾ ഉണ്ടായാൽ പേടിച്ച് പനി പിടിച്ച് വീട്ടിൽ ഇരിക്കില്ലെന്നും, അതിനെ നേരിടുമെന്നും കോടിയേരി ബാലകൃഷ്ണൻ. യഥാർത്ഥ ബോംബിനെ ഭയമില്ല പിന്നെങ്ങനെയാണ് പ്രതിപക്ഷത്തിന്റെ നുണബോംബുകളെ ഭയക്കുകയെന്നും കണ്ണൂരിൽ നടന്ന വാർത്താ സമ്മേളനത്തിൽ കോടിയേരി മാധ്യമങ്ങളോട് ചോദിച്ചു.

മുഖ്യമന്ത്രി കേരളത്തിൽ പാർട്ടി എടുക്കുന്ന തീരുമാനങ്ങളാണ് നടപ്പിലാക്കുന്നത്. ക്യാപ്റ്റൻ എന്ന പ്രയോഗം പാർട്ടി കൊടുത്തതല്ല ജനങ്ങൾ നൽകിയതാണ്. അതൊരു ജനകീയ ഇടപെടലിന്റെ ഭാഗമായി കണ്ടാൽ മതിയെന്നും കോടിയേരി പറഞ്ഞു. തിരഞ്ഞെടുപ്പിൽ മത്സരിക്കില്ലായെന്ന മുതിർന്ന നേതാവ് ഇ പി ജയരാജന്റെ നിലപാട് വ്യക്തിപരമാണ്.എന്നാൽ അവസാന തീരുമാനം പാർട്ടിയുടേതാണന്നും അദ്ദേഹം കൂട്ടിച്ചേർത്തു.

വാർത്താ സമ്മേളനത്തിൽ സംസാരിക്കുകയായിരുന്നു കോടിയേരി ബാലകൃഷണൻ. സിപിഎം സംസ്ഥാന സെക്രട്ടറിയായിരിക്കെ ആരോഗ്യ പ്രശ്നങ്ങൾകൊണ്ട് അവധിയിൽ പ്രവേശിച്ചുപ . ആരോഗ്യസ്ഥിതി മെച്ചപ്പെടുമ്പോൾ തിരികെയെത്തും. ഇപ്പോൾ ചികിത്സക്കാണ് പ്രാധാന്യമെന്നും കോടിയേരി പറഞ്ഞു.

വിനോദിനി