കൊല്ലം: കോവിഡ് വ്യാപനത്തിന്റെ പശ്ചാത്തലത്തിൽ സ്‌കൂളുകൾ ഉടൻ തുറക്കില്ല. പത്താം ക്ലാസ് വിദ്യാർത്ഥികൾക്ക് അടുത്തമാസംമുതൽ ഓൺലൈനായി ക്‌ളാസ് ആരംഭിക്കും. ഓൺലൈൻ ക്‌ളാസുകൾ തുടങ്ങാനുള്ള സജ്ജീകരണങ്ങൾ വിദ്യാഭ്യാസവകുപ്പ് ഒരുക്കി കഴിഞ്ഞു. തിരഞ്ഞെടുപ്പുഫലം വന്നശേഷമാകും ക്‌ളാസുകൾ തുടങ്ങുക.

ഓൺലൈൻ ക്‌ളാസുകൾ, സ്‌കൂൾ തുറക്കൽ എന്നിവ സംബന്ധിച്ച് കോവിഡ് വ്യാപനത്തോത് വിലയിരുത്തിയാകും അന്തിമതീരുമാനമെടുക്കുക. ഫലം വരുന്നതിനുമുൻപുതന്നെ പാഠപുസ്തകവിതരണമടക്കമുള്ള നടപടികൾ പൂർത്തിയാക്കും.

വിതരണം ചെയ്യാനുള്ള പുസ്തകങ്ങൾ തയ്യാറായിട്ടുണ്ടെന്ന് പൊതുവിദ്യാഭ്യാസ ഡയറക്ടർ കെ.ജീവൻബാബു അറിയിച്ചു. എട്ടാംക്‌ളാസ്വരെയുള്ള പാഠപുസ്തകങ്ങളുടെ വിതരണം ഇപ്പോൾ സ്‌കൂളുകളിൽ നടക്കുന്നുണ്ട്. ഈമാസം പകുതിയോടെ വിതരണം പൂർത്തിയാക്കും. തുടർന്ന് ഒൻപത്, പത്ത് ക്‌ളാസുകളിലേക്കുള്ള പുസ്തകങ്ങൾ സ്‌കൂളുകളിൽ എത്തിക്കും.

 

ഉടൻ തുറക്കില്ലകോവിഡ്സ്‌കൂളുകൾ