വേഗത്തിൽ പാഞ്ഞു വന്ന ടാങ്കർ ലോറിയിൽ കാർ ഇടിച്ചു തീ പിടിച്ചു. തീ പിടിച്ച കാർ എതിരെ വന്ന ബസിൽ ഇടിച്ചപ്പോൾ ബസിലും തീ പടർന്നു. കണ്ടവരെ എല്ലാം പേടിപ്പെടുത്തിയ ആ അപകടം കണ്ണടച്ചു തുറക്കും വേഗത്തിലാണ് സംഭവിച്ചത്. ചൊവ്വാഴ്ച ബ്രസീലിലാണ് നാടിനെ നടുക്കിയ ആ ഭയാനകമായ അപകടം ഉണ്ടായത്. കാർ ഡ്രൈവർ സംഭവ സ്ഥലത്ത് തന്നെ മരിച്ചു. സിസിടിവി കാമറയിൽ പതിഞ്ഞ ഈ അപകടത്തിന്റെ വീഡിയോ സോഷ്യൽ മീഡിയയിൽ പ്രചരിക്കുകയാണ്.

കാർ ഡ്രൈവറുടൈ അശ്രദ്ധയാണ് വൻ അപകടത്തിന് വഴിവെച്ചത്. എതിർ വശത്തു നിന്നും വളഞ്ഞു വന്ന കാർ പാഞ്ഞു വന്ന ടാങ്കറിൽ ഇടിക്കുക ആയിരുന്നു. ആ നിമിഷം തന്നെ തീ പിടിച്ച കാറിനെ ടാങ്കർ മുന്നോട്ട് നീക്കി കൊണ്ടു പോവുകയും ചെയ്തു. ഈ സമയത്താണ് എതിരെ ബസ് വന്നതും തീ പിടിച്ച കാറിൽ തട്ടുന്നതും. ഇതോടെ ബസിലേക്കും തീ ആളി പടരുക ആയിരുന്നു. ബസിൽ ആളില്ലാതിരുന്നതുകൊണ്ട് വൻ അപകടം ഒഴിവായി. ബസ് ഡ്രൈവറും ടാങ്കർ ലോറി ഡ്രൈവറും പരിക്കുകളൊന്നും കൂടാതെ രക്ഷപ്പെട്ടു.

കാർ ഇടിച്ചുടാങ്കർ ലോറി