മനാമ: ലോക വനിതാ ദിനത്തോടനുബന്ധിച്ച് ഷിഫ അൽ ജസീറ മെഡിക്കൽ സെന്റർ ഓൺലൈനിൽ ചിത്രരചന മത്സരം സംഘടിപ്പിച്ചു. നിരവധി കുട്ടികൾ പങ്കെടുത്ത മത്സരത്തിൽ ഇന്ത്യൻ സ്‌കൂൾ മൂന്നാം ക്ലാസ് വിദ്യാർത്ഥിനി നക്ഷത്ര സുബിൻ ഒന്നാം സ്ഥാനം നേടി. ഫിൻഷാ ഫൈസൽ(ആറാം ക്ലാസ്, ഇബ്നുൽ ഹൈതം സ്‌കൂൾ), ദീക്ഷിത് (എട്ടാം ക്ലാസ്, ഇന്ത്യൻ സ്‌കൂൾ) എന്നിവർക്കാണ് യഥാക്രമം രണ്ടും മൂന്നും സ്ഥാനങ്ങൾ.

ബഹ്റൈനിൽ ഓട്ടോമെബൈൽ ഗ്യാരേജ് നടത്തുന്ന തൃശ്ശൂർ തളിക്കുളം സ്വദേശി സുബിൻ-സരിത ദമ്പതികളുടെ മക്കളാണ് നക്ഷത്രയും ദീക്ഷിതും. ഷിഫ ഫിനാൻസ് മാനേജർ ഫൈസലിന്റെ മകളാണ് ഫിൻഷ.

ഓൺലൈനിൽ നടന്ന വോട്ടെടുപ്പിലാണ് വിജയികളെ തെരെഞ്ഞടുത്ത്. വിജയികൾക്ക് സർട്ടിഫിക്കറ്റും കാശ് അവാർഡും സമ്മാനിച്ചു. ഷിഫയിൽ കോവഡ് പ്രോട്ടോകേൾ പാലിച്ചു നടന്ന ചടങ്ങിൽ സിഇഒ ഹബീബ് റഹ്മാൻ, ഡയരക്ടർ ഷബീർ അലി പികെ, സീനിയർ പീഡിയാട്രീഷ്യൻ ഡോ. കുഞ്ഞിമൂസ, ഓപ്പറേഷൻസ് മാനേജർ വിക്ടർ പോൾ എന്നിവർ സമ്മാനങ്ങൾ വിതരണം ചെയ്തു. പരിപാടിയിൽ പങ്കെടുത്ത എല്ലാ വിദ്യാർത്ഥികളെയും ഷിഫ മാനേജ്മെന്റ് അഭിനന്ദിച്ചു.

 

മത്സരം