തിരുവനന്തപുരം: മനുഷ്യാവകാശങ്ങൾ നിഷേധിക്കപ്പെടുന്ന മാധ്യമപ്രവർത്തകൻ സിദ്ദിഖ് കാപ്പന് നീതി ഉറപ്പാക്കണമെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ.

കോവിഡ് ബാധിതനായ സിദ്ദിഖ് കാപ്പനെ കട്ടിലിൽ ചങ്ങലകൊണ്ട് ബന്ധിച്ചിരിക്കുകയാണെന്ന വാർത്തകൾ ഹൃദയഭേദകമാണ്. തടവുകാരന് ന്യായമായി ലഭിക്കേണ്ട അവകാശങ്ങളുടെ ലംഘനമാണ് സിദ്ദിഖ് കാപ്പന്റെ വിഷയത്തിൽ സംഭവിച്ചത്.സിദിഖ് കാപ്പന് അടിയന്തര വൈദ്യസഹായം ഉറപ്പുവരുത്തേണ്ടതുണ്ട്.മനുഷ്യത്വരഹിതമായ ക്രൂരതയ്ക്ക് പേരുകേട്ട പൊലീസാണ് യുപി മുഖ്യമന്ത്രി യോഗി ആദിത്യനാഥിന്റെത്.

ഓരോദിവസം കഴിയുമ്പോഴും അതിന്റെ തീവ്രത വർധിക്കുന്നു.മനുഷ്യനെ മൃഗതുല്യമായിട്ടാണ് ഉത്തർപ്രദേശ് പൊലീസ് കാണുന്നതും കൈകാര്യം ചെയ്യുന്നതും. സിദ്ദിഖ് കാപ്പനു ലഭിക്കേണ്ട മാനുഷിക പരിഗണന തീർച്ചയായും ഉറപ്പാക്കണം.കോവിഡ് ബാധിതനായ കാപ്പന് ഹൃദയസംബന്ധമായ അസുഖങ്ങളുണ്ട്.അതിനാൽ അദ്ദേഹത്തിന് അടിയന്തര വൈദ്യസഹായം നൽക്കേണ്ടത് ഭരണകൂടങ്ങളുടെ കടമയാണ്.അത് നിറവേറ്റാത്തത് പ്രാകൃതമാണ്.

പരിഷ്‌കൃത സമൂഹത്തിന് അപമാനമാണിത്.ഒരിക്കലും അംഗീകരിക്കാൻ കഴിയില്ല.ദേശീയ മനുഷ്യാവകാശ കമ്മീഷൻ സിദ്ദിഖ് കാപ്പന്റെ ദുരവസ്ഥയിൽ ഇടപെടുകയും മാനുഷികനീതി ഉറപ്പാക്കുകയും വേണം. പ്രധാനമന്ത്രിയും യുപി മുഖ്യമന്ത്രിയും സിദ്ദിഖ് കാപ്പന്റെ വിഷയത്തിൽ അടിയന്തരമായി ഇടപെടണമെന്നും മുല്ലപ്പള്ളി ആവശ്യപ്പെട്ടു.

 

സിദ്ദിഖ്