റബർ ബോർഡ് റിട്ട.ഡപ്യൂട്ടി ഡയറക്ടർ; മുൻ ഡപ്യൂട്ടി സ്പീക്കറും സിപിഐ നേതാവുമായിരുന്ന സി.എ.കുര്യന്റെ സഹോദരൻ: കോവിഡ് ബാധിച്ചു മരിച്ച സി.എ ജേക്കബിന്റെ സംസ്‌ക്കാരം പിന്നീട് നടക്കും
പുതുപ്പള്ളി: കോവിഡ് ബാധിച്ചു മരിച്ച ൻ റബർ ബോർഡ് റിട്ട.ഡപ്യൂട്ടി ഡയറക്ടർ (ഔദ്യോഗിക ഭാഷാ വിഭാഗം, ഹിന്ദി) ഇരവിനല്ലൂർ ചെമ്പിളയിൽ സി.എ.ജേക്കബ് (80) ന്റെ സംസ്‌ക്കാരം പിന്നീട് നടക്കും. കോട്ടയം ജനറൽ ആശുപത്രിയിൽ ചികിത്സയിലിരിക്കെയായിരുന്നു അന്ത്യം. മുൻ ഡപ്യൂട്ടി സ്പീക്കറും സിപിഐ നേതാവുമായിരുന്ന അന്തരിച്ച സി.എ.കുര്യന്റെ സഹോദരനാണ്. സി.എ.കുര്യൻ അന്തരിച്ചത് അടുത്തയിടെയാണ്.
കോട്ടയം, കുണ്ടറ, വാഴൂർ എന്നിവിടങ്ങളിൽ എംഡി സ്‌കൂൾ അദ്ധ്യാപകനായും കേരള ഹിന്ദി പ്രചാരസഭ ബോർഡ് ഓഫ് ഡയറക്ടേഴ്‌സ് അംഗം, പുതുപ്പള്ളി സർവീസ് സഹകരണ ബാങ്ക് ഭരണസമിതി അംഗം, പുതുപ്പള്ളി സെന്റ് ജോർജ് വലിയപള്ളി സൺഡേ സ്‌കൂൾ അദ്ധ്യാപകൻ, കോട്ടയം വൈഎംസിഎ സബ് റീജനൽ ചെയർമാൻ എന്നീ നിലകളിൽ പ്രവർത്തിച്ചിട്ടുണ്ട്. വലിയ മുണ്ടാക്കൽ കുടുംബയോഗം വൈസ് പ്രസിഡന്റായിരുന്നു.
ഭാര്യ: വടവാതൂർ ചിറയിൽ സി.കെ.മറിയാമ്മ (റിട്ട. ഡപ്യൂട്ടി കലക്ടർ, കലക്ടറേറ്റ്, കോട്ടയം). മക്കൾ: സുരേഷ് ജേക്കബ് (എംജി സർവകലാശാല, എസ്എംഇ, പുതുപ്പള്ളി), സുജ സുനിൽ ജോൺ (ന്യൂയോർക്ക്). മരുമക്കൾ: മുക്കൂട്ടുതറ തവളപ്പാറ ലിന്നി സൂസൻ ഫിലിപ് (റബർ ബോർഡ്, കോട്ടയം), കോട്ടയം പടിഞ്ഞാറേ പീടികയിൽ സുനിൽ ജോൺ (ന്യൂയോർക്ക്).
