മുഖ്യമന്ത്രി പിണറായി വിജയനെ പ്രശംസിച്ച് നടി ഐശ്വര്യ ലക്ഷ്മി. കോവിഡ് പ്രതിരോധ പ്രവർത്തനത്തിൽ മുഖ്യമന്ത്രിയെ പ്രശംസിച്ച് 'ഐ ലവ് യു ചീഫ് മിനിസ്റ്റർ' എന്ന ട്വീറ്റുമായാണ് നടി എത്തിയത്. മുഖ്യമന്ത്രിയുടെ ഒരു ട്വീറ്റ് പങ്കുവച്ചായിരുന്നു നടിയുടെ പരാമർശം.

''എനിക്ക് മുഖ്യമന്ത്രിയെ ഇഷ്ടമാണ്. പ്രത്യേകിച്ച് എനിക്ക് രാഷ്ട്രീയാഭിമുഖ്യമില്ല. നമ്മുടെ സംസ്ഥാനത്ത് താങ്കൾ ചെയ്യുന്ന കാര്യങ്ങൾ മികച്ചതാണ്. എന്ന് അവസാനിക്കുമെന്ന് അറിയാത്ത ഈ ദുരിതകാലത്ത് താങ്കൾ ചെയ്യുന്ന കാര്യങ്ങൾ പ്രതീക്ഷയുടെ വെട്ടം നൽകുന്നു''- ഐശ്വര്യ കുറിച്ചു.

ഐശ്വര്യ ലക്ഷ്മിക്കും ഈയിടെ കോവിഡ് സ്ഥിരീകരിച്ചിരുന്നു. ഐശ്വര്യ തന്നെയാണ് ഈ വിവരം സമൂഹമാധ്യമങ്ങളിലൂടെ പങ്കുവച്ചത്. ഫലം നെഗറ്റീവ് ആയതിന് ശേഷം ക്വാറന്റൈനിൽ തുടരുകയാണ്.

നടി ഐശ്വര്യ ലക്ഷ്മിമുഖ്യമന്ത്രി പിണറായി വിജയൻ