പെരുന്നാൾ നിലാവ് പ്രകാശനം ചെയ്തു

ദോഹ: ഈദുൽ ഫിത്വറിനോടനുബന്ധിച്ച് മീഡിയ പ്ളസ് പ്രസിദ്ധീകരിച്ച പെരുന്നാൾ നിലാവ് ബ്രാഡ്മ ഗ്രൂപ്പ് ചെയർമാൻ കെ. എൽ. ഹാഷിമും സി. ഇ. ഒ. മുഹമ്മദ് ഹാഫിസും ചേർന്ന് പ്രകാശനം ചെയ്തു.

ആഘോഷങ്ങളെ മാനവ സൗഹൃദത്തിന്റെ അടയാളങ്ങളാക്കി സമൂഹത്തിൽ സ്നേഹവും സൗഹാർദ്ധവും ശക്തിപ്പെടുത്താൻ പ്രയോജനപ്പെടുത്തണമെന്ന് ചടങ്ങിൽ സംസാരിക്കവേ കെ. എൽ. ഹാഷിം പറഞ്ഞു. കോവിഡ് സാഹചര്യത്തിൽ എല്ലാ മുൻകരുതൽ നടപടികളും പാലിക്കുന്നു എന്നുറപ്പുവരുത്തുന്നതിൽ മുൻപന്തിയിലുണ്ടാകണമെന്നും അദ്ദേഹം ഓർമിപ്പിച്ചു.

മീഡിയ പ്ളസ് സി. ഇ. ഒ. ഡോ. അമാനുല്ല വടക്കാങ്ങര അധ്യക്ഷത വഹിച്ചു. മാർക്കറ്റിങ് മാനേജർ മുഹമ്മദ് റഫീഖ് തങ്കയത്തിൽ, സെയിൽസ് ആൻഡ് മാർക്കറ്റിങ് ഡയറക്ടർ റഷാദ് മുബാറക് സംബന്ധിച്ചു.

പെരുന്നാൾ നിലാവിന്റെ ഫ്രീ കോപ്പികൾക്ക് 70413304, 33817336 എന്നീ നമ്പറുകളിൽ ബന്ധപ്പെടാം.