മലയാളികളുടെ മനസ്സിൽ സ്വാമി അയ്യപ്പനായി പ്രതിഷ്ഠനേടിയ കൗശിക് ബാബുവിന് പെൺകുഞ്ഞ് പിറന്നു; അച്ഛനായ സന്തോഷം ആരാധകരോട് പങ്കുവെച്ച് താരം

സ്വാമി അയ്യപ്പൻ പരമ്പരയിലൂടെ മലയാളികളുടെ മനസ്സിൽ ചിര പ്രതിഷ്ഠ നേടിയ കൗശിക് ബാബുവിന് പെൺകുഞ്ഞ് പിറന്നു. സമൂഹമാധ്യമത്തിലൂടെയാണ് താരം അച്ഛനായ വിവരം പങ്കുവച്ചത്. ഭവ്യയാണ് ഭാര്യ. 2019 നവംബറിലായിരുന്നു ഇവരുടെ വിവാഹം.

പുരാണ സീരിയലുകളിലെ മികച്ച പ്രകടനത്തിലൂടെ പ്രേക്ഷകശ്രദ്ധ നേടിയ താരമാണ്് കൗശിക്. തെലുങ്കിൽ ബാലതാരമയാണ് കൗശിക് അഭിനയ ജീവിതത്തിന് തുടക്കം കുറിച്ചത്. തെലുങ്കിൽ ശ്രീമുരുകനും ആദി ശങ്കരനുമായി തിളങ്ങിയ കൗശിക്, മലയാളത്തിൽ സ്വാമി അയപ്പന്റെ വേഷം ചെയ്ത് ആരാധകരെ സൃഷ്ടിച്ചു. പിന്നീട് 'വൈറ്റ് ബോയ്‌സ്' എന്ന ചിത്രത്തിൽ നായകനായി. നർത്തകനായും കൗശിക് കയ്യടി നേടിയിട്ടുണ്ട്.