വാട്സാപ്പിൽ ചാറ്റ് ചെയ്ത 14കാരിയെ കാണാനും സെക്സിൽ ഏർപ്പെടാനും എത്തിയ ഇന്ത്യൻ യുവാവിനെ പൊക്കി കുട്ടി പീഡകരെ പിടികൂടുന്ന സംഘം. പിടിക്കപ്പെട്ടതോടെ പൊലീസിന് മുന്നിൽ പൊട്ടിക്കരഞ്ഞ് കാലിൽ വീണ് രക്ഷിക്കണമെന്ന് യാജിക്കുന്ന ഇന്ത്യൻ യുവാവിന്റെ വീഡിയോ പുറത്ത് വന്നു. മിനേഷ് പട്ടേൽ എന്ന യുവാവിനെയാണ് കുട്ടി പീഡകരുടെ സംഘം സമർത്ഥമായി കെണിയിൽ വീഴ്‌ത്തിയത്.

14കാരിയാണന്ന് വിചാരിച്ച് വാട്സാപ്പിൽ സെക്സ് ചാറ്റ് ചെയ്ത ശേഷം നേരിൽ കാണാനെത്തിയപ്പോഴാണ് 27കാരന്റെ മേൽ പൊലീസിന്റെ പിടിവീണത്. വെറുതെ വിടണമെന്ന് ആവശ്യപ്പെട്ട് കരഞ്ഞു കാലു പിടിച്ച യുവാവിനെ അറസ്റ്റ് ചെയ്ത പൊലീസ് ഇന്നലെ ന്യൂകാസിൽ ക്രൗൺ കോർട്ടിൽ ഹാജരാക്കി. കുട്ടിയെ ലൈംഗിക കാര്യങ്ങൾക്ക് പ്രേരിപ്പിച്ചതിനും സെക്സിൽ ഏർപ്പെടാൻ ശ്രമിച്ചതിനും ഇയാൾ കുറ്റക്കാരനെന്ന് കോടതി വിധിച്ചു. യുവാവിനെ 28 മാസത്തെ തടവു ശിക്ഷയ്ക്ക് വിധിച്ച കോടതി പത്ത് വർഷത്തേക്ക് സെക്സ് ഒഫൻഡേഴ്സ് രജിസ്റ്ററി ലിസ്റ്റിലം ഉൾപ്പെടുത്തും.

14കാരിയെന്ന് കരുതി സെക്സ് ചാറ്റ് നടത്തിയ ശേഷം നേരിൽ കാണുന്നതിനായി ഗേറ്റ്സ് ഹെഡ് മെട്രോ സ്റ്റേഷനിലെത്തിയപ്പോഴാണ് പൊലീസിന്റെ പിടിവീണത്. കരഞ്ഞു യാജിച്ച യുവാവിനോട് നിന്റെ പഠനം ഇവിടെ അവസാനിക്കുന്നതായും ക്രിമിനോളജിയിൽ പഠനം തുടരാൻ ഇനി അനുവദിക്കില്ലെന്നും പഠനം ടെർമിനേറ്റ് ചെയ്തതായും പൊലീസ് വീഡിയോയിൽ പറയുന്നത് കേൾക്കാം.

കുട്ടി പീഡകരെ പിടികൂടുന്ന സംഘത്തിലെ കേ ബെൽ എന്നയാൾ 14കാരിയുടെ വ്യാജ വാട്സ് ആപ്പ് ഉണ്ടാക്കുകയും ചാറ്റ് ചെയ്യുകയും ആയിരുന്നു. 2020 ഫെബ്രുവരി മുതൽ ഇയാൾ നിരീക്ഷണത്തിലായിരുന്നു. കുട്ടിയെന്ന് കരുതി ചാറ്റ് ചെയ്യുകയും ഫോട്ടോ ചോദിക്കുകയും ചെയ്ത ഇയാൾ പിന്നീട് കുട്ടിയോട് ഉമ്മ ചോദിച്ചു. പിന്നീട് സംസാരിച്ചതെല്ലാം സെക്സിനെ കുറിച്ചായിരുന്നു.ധരിച്ചിരുന്ന വസ്ത്രത്തെ കുറിച്ചും അടിവസ്ത്രത്തെ കുറിച്ചുമെല്ലാം ഇയാൾ തന്റെ സംഭാഷണത്തിൽ ചോദിച്ചു.

ചെസ്റ്ററിലുള്ള കുട്ടിയുടെ അഡ്രസിലേക്ക് എത്താൻ പെൺകുട്ടിയോട് ഇയാൾ പണവും ചോദിച്ചു. പിന്നീട് ഗേറ്റ്സ് ഹെഡ് മെട്രോസ്റ്റേഷനിൽ കണ്ടു മുട്ടാൻ തീരുമാനമായി. ബസിലാണ് പെൺകുട്ടിയെ കാണാൻ ഇയാൾ എത്തിയത്. ഇതോടെ പൊലീസിന്റെ പിടിവീഴുകയായിരുന്നു. കോടടതിയിലും തന്നെ വെറുതേ വിടണമെന്ന് യുവാവ് കെഞ്ചി.

 

ചാറ്റ്