തിരുവനന്തപുരം: സിപിഐയുടെ 4 മന്ത്രിമാരുടെയും പ്രൈവറ്റ് സെക്രട്ടറിമാർ സർക്കാർ സർവീസിലെ മുതിർന്ന ഉദ്യോഗസ്ഥർ. പലരും മന്ത്രിമാരുടെ പ്രൈവറ്റ് സെക്രട്ടറിമാർ പ്രവർത്തിച്ച് പരിചയമുള്ളവരാണ്. മന്ത്രിമാർ പുതുമുഖങ്ങൾ ആയതിനാലാണു പ്രൈവറ്റ് സെക്രട്ടറിമാരായി പരിചയസമ്പന്നരായ ഉദ്യോഗസ്ഥരെ നിയമിച്ചത്.

റവന്യു മന്ത്രി കെ.രാജന്റെ പ്രൈവറ്റ് സെക്രട്ടറിയായി സെക്രട്ടേറിയറ്റ് പൊതുഭരണ വിഭാഗത്തിൽ സ്പെഷൽ സെക്രട്ടറി പദവിയിലുള്ള പി.വി.മനോജിനെ നിയമിച്ചു. മുൻ കൃഷി മന്ത്രി വി എസ്.സുനിൽ കുമാറിന്റെ പ്രൈവറ്റ് സെക്രട്ടറിയായിരുന്നു. സി ദിവാകരൻ ഭക്ഷ്യ മന്ത്രി ആയിരിക്കെ അഡീഷനൽ പ്രൈവറ്റ് സെക്രട്ടറിയായും പ്രവർത്തിച്ചിരുന്നു. റവന്യു മന്ത്രിയുടെ അഡീഷനൽ പ്രൈവറ്റ് സെക്രട്ടറിമാരായും സെക്രട്ടേറിയറ്റിലെ ഉദ്യോഗസ്ഥരെയാണു നിയമിച്ചിരിക്കുന്നത്.

കൃഷി മന്ത്രി പി. പ്രസാദിന്റെ പ്രൈവറ്റ് സെക്രട്ടറിയായി കേരള ഗസറ്റഡ് ഓഫിസേഴ്സ് ഫെഡറേഷൻ സംസ്ഥാന ഭാരവാഹിയും ജലവിഭവ വകുപ്പിലെ എക്‌സിക്യൂട്ടീവ് എൻജിനീയറുമായ വിനോദ് മോഹനെ നിയമിച്ചു.

മൃഗസംരക്ഷണ മന്ത്രി ജെ.ചിഞ്ചുറാണിയുടെ പ്രൈവറ്റ് സെക്രട്ടറിയായി അനിൽ ഗോപിനാഥിനെയാണു നിയമിച്ചത്. ഇദ്ദേഹം മുൻ മന്ത്രി പി.തിലോത്തമന്റെ അഡീഷനൽ പ്രൈവറ്റ് സെക്രട്ടറിയായിരുന്നു. ഭക്ഷ്യ മന്ത്രി ജി.ആർ.അനിലിന്റെ പ്രൈവറ്റ് സെക്രട്ടറിയായി നിയമ വകുപ്പിലെ ഡപ്യൂട്ടി സെക്രട്ടറി പി.പ്രദീപ് കുമാറിനെ നിയമിച്ചു.

 

പരിചയ സമ്പത്തുള്ളവർപ്രൈവറ്റ് സെക്രട്ടറിസിപിഐ മന്ത്രിമാർ