തിരുവനന്തപുരം: 15 കോവിഡ് പ്രതിരോധ സാമഗ്രികളുടെ വില ആരോഗ്യ വകുപ്പ് പുതുക്കി. 22രൂപയായിരുന്ന എൻ 95 മാസ്‌ക്കിന്റെ പുതുക്കിയ വില 26 രൂപ. 273 രൂപയായിരുന്ന പിപിഇ കിറ്റിന്റെ വില 328 രൂപയായി ഉയർത്തി. 500 മില്ലി ഹാൻഡ് സാനിറ്റൈസറിന് 192 രൂപയായിരുന്നു വില. പുതുക്കിയ വില 230 രൂപ. 200 മില്ലിക്കു 118 രൂപയും 100 മില്ലിക്ക് 66 രൂപയായും വില പുതുക്കി നിശ്ചയിച്ചു. ഫിംഗർടിപ് പൾസ് ഓക്സിമീറ്ററിന് ഇനി മുതൽ 1800 രൂപ നൽകണം. മുൻപ് 1500 രൂപയാണ് വിലയായിരുന്നത്.

മൂന്ന് ലെയർ മാസ്‌ക്കിന്റെ വില മൂന്നിൽ നിന്ന് 5 രൂപയാക്കി. ഫെയ്‌സ് ഷീൽഡിന് 25 രൂപയും ഏപ്രണ് 14 രൂപയുമാണ് പുതിയ വില. സർജിക്കൽ ഗൗണിന്റെ വില 65 ൽ നിന്ന് 78 ആക്കി. പരിശോധനാ ഗ്ലൗസ്-7 രൂപ, സ്റ്റിറൈൽ ഗ്ലൗസ്-18 രൂപ, എൻആർബി മാസ്‌ക്-96, ഓക്സിജൻ മാസ്‌ക്-65 എന്നിങ്ങനെയാണ് പുതിയ വില.

 

മാസ്‌ക്