സർക്കാർ വകുപ്പുകളിലും സർക്കാർ ഉടമസ്ഥതയുള്ള കമ്പനികളിലും ഇനി വിദേശികൾക്ക് തൊഴിൽ നഷ്ടം ഉറപ്പ്; പ്രവാസികൾ ജോലി ചെയ്യുന്ന മേഖലയിൽ സ്വദേശിവത്കരണവുമായി വീണ്ടും ഒമാൻ

സർക്കാർ വകുപ്പുകളിലും സർക്കാർ ഉടമസ്ഥതയുള്ള കമ്പനികളിലും ഇനി വിദേശികൾക്ക് തൊഴിൽ നഷ്ടം ഉറപ്പ്. ഒമാനിൽ കൂടുതൽ സ്വദേശിവൽക്കരണവുമായി ഭരണകൂടം വീണ്ടും രംഗത്തെത്തിയിരിക്കുകയാണ്. സർക്കാർ വകുപ്പുകളിലെയും സർക്കാർ ഉടമസ്ഥതയിലുള്ള കമ്പനികളിലെയും വിവിധ തസ്തികകളാണ് സ്വദേശിവത്കരിച്ചിരിക്കുന്നത്. പ്രവാസികൾ ജോലി ചെയ്യുന്ന വിവിധ തസ്തികകളും സ്വദേശിവത്കരിച്ചതിൽ ഉൾപ്പെടും.

സിസ്റ്റം ഡെവലപ്പ്മെന്റ് ആൻഡ് അനാലിസിസ്, വെബ് ഡിസൈൻ, ടെക്നികൽ സപ്പോർട്ട് വിഭാഗങ്ങളാണ് സ്വദേശിവത്കരിച്ചത്. ഈ തസ്തികകളിൽ സ്വദേശികളെ മാത്രമേ നിയമിക്കാൻ പാടുള്ളൂവെന്നാണ് നിർദ്ദേശം. ഇക്കാര്യം അറിയിച്ച് ഗതാഗത, വാർത്താ വിനിമയ മന്ത്രാലയം സർക്കുലർ പുറപ്പെടുവിച്ചു. കംപ്യൂട്ടർ ടെക്നീഷ്യൻ, കംപ്യൂട്ടർ എൻജിനീയർ, ഇലക്ട്രോണിക് കംപ്യൂട്ടർ ടെക്നീഷ്യൻ, ഇലക്ട്രോണിക് കംപ്യൂട്ടർ തുടങ്ങിയ തസ്തികകളും സ്വദേശിവത്കരിച്ച വിഭാഗങ്ങളിൽ ഉൾപ്പെടും.