യൂറോ കപ്പിൽ ചരിത്രം കുറിച്ച് ആദ്യ മൂന്ന് മത്സരങ്ങളിൽ ഒരു ഗോൾ പോലും വഴങ്ങാത്ത ആദ്യ ടീമായി ഇറ്റലിയുടെ പടയോട്ടം. ഗ്രൂപ്പ് എയിൽ ഞായറാഴ്ച നടന്ന മത്സരത്തിൽ വെയ്ൽസിനെ തകർത്തതോടെ ഗ്രൂപ്പ് ചാമ്പ്യന്മാരായി ഇറ്റലി അവസാന 16-ലേക്ക് മുന്നേറി.

ഗ്രൂപ്പ് ഘട്ടത്തിൽ ഒരു ഗോൾ പോലും വഴങ്ങാതെയാണ് ഇറ്റലിയുടെ കുതിപ്പ്. യൂറോ കപ്പിന്റെ ചരിത്രത്തിൽ ആദ്യ മൂന്ന് മത്സരങ്ങളിൽ ഒരു ഗോൾ പോലും വഴങ്ങാത്ത ആദ്യ ടീമായിരിക്കുകയാണ് ഇറ്റലി.

മാത്രമല്ല തുടർച്ചയായ 30-ാം മത്സരമാണ് ഇതോടെ തോൽവിയറിയാതെ അവർ പിന്നിട്ടത്. 1930-ലെ ഇറ്റാലിയൻ ടീം സ്ഥാപിച്ച റെക്കോഡിനൊപ്പമെത്താനും ഇത്തവണത്തെ ടീമിനായി. ഇറ്റാലിയൻ പടയുടെ തുടർച്ചയായ 11-ാം ജയവുമാണിത്.

ആദ്യ മത്സരത്തിൽ തുർക്കിയേയും രണ്ടാം മത്സരത്തിൽ സ്വിറ്റ്സർലൻഡിനേയും ഇറ്റലി എതിരില്ലാത്ത മൂന്നു ഗോളുകൾക്ക് തോൽപ്പിച്ചിരുന്നു. വെയ്ൽസിനെ എതിരില്ലാത്ത ഒരു ഗോളിനാണ് ഇറ്റലി പരാജയപ്പെടുത്തിയത്.

 

ഇറ്റലിയൂറോ കപ്പ