ജിദ്ദ: കേരളത്തിൽ ലോക്ക് ഡൗൺ നിയന്ത്രങ്ങളിൽ ഇളവ് വരുത്തിയ സാഹചര്യത്തിൽ പള്ളികൾ ഉൾപ്പെടെ ആരാധനാലയങ്ങൾ തുറന്നു പ്രവർത്തിക്കാൻ അനുമതി നൽകണമെന്ന് വാഫി- വഫിയ്യ ജിദ്ദ കമ്മിറ്റി യോഗം സംസഥാന സർക്കാരിനോട് ആവശ്യപ്പെട്ടു. മദ്യ ശാലകൾ വരെ തുറന്നു പ്രവർത്തിക്കുമ്പോഴും ആരാധനാലങ്ങൾ തുറക്കാൻ അനുവദിക്കാത്തത് വിരോധാഭാസമാണെന്നും യോഗം അഭിപ്രായപ്പെട്ടു.

കോവിഡ് സാഹചര്യത്തിൽ ജോലി നഷ്ടപ്പെട്ട് നാട്ടിലേക്ക് മടങ്ങിയ പ്രവാസികൾക്ക് അനുയോജ്യമായ പുനരധിവാസ പദ്ധതി പ്രഖ്യാപിക്കണമെന്ന് സംസ്ഥാന സർക്കാറിനോടും പ്രവാസികളുടെ യാത്ര പ്രശ്നത്തിൽ ഇടപെടണമെനന്ന് കേന്ദ്ര സർക്കാറിനോടും യോഗം ആവശ്യപ്പെട്ടു.

കോവിഡ് പ്രോട്ടോകോൾ പാലിച്ചു ഷറഫിയ്യയിൽ വെച്ച് നടന്ന യോഗം കെ.പി അബ്ദുറഹ്‌മാൻ ഹാജി പുളിക്കൽ ഉദ്ഘാടനം ചെയ്തു. പ്രസിഡന്റ് സയ്യിദ് സൈനുൽ ആബിദീൻ തങ്ങൾ അധ്യക്ഷത വഹിച്ചു. ആധുനിക കാലഘട്ടത്തിൽ ആൺ കുട്ടികൾക്കും പെൺ കുട്ടികൾക്കും അനുയോജ്യമായ മത - ഭൗതിക വിദ്യാഭ്യാസ സംവിധാനമാണ് വാഫി - വഫിയ്യ കോഴ്സുകൾ എന്ന് അദ്ദേഹം പറഞ്ഞു.

കുഞ്ഞാലി കുമ്മാളിൽ, ഈസ കാളികാവ്, സി.വി റസീം കണ്ണൂർ, സിദ്ധീഖ് മക്കരപ്പറമ്പ്, സലീം കരിപ്പോൾ, ഷൗക്കത്ത് കരുവാരക്കുണ്ട്, അബ്ദുൽ അസീസ് വിളയൂർ, മുഹമ്മദ് ഓമശ്ശേരി തുടങ്ങിയവർ ചർച്ചയിൽ പങ്കെടുത്ത് സംസാരിച്ചു.

ജോലി ആവശ്യാർഥം സ്ഥലം മാറിപ്പോയ ജനറൽ സെക്രട്ടറി ഷഫീഖ് വാഫിക്ക് പകരം ദിൽഷാദ് കാടാമ്പുഴയെ പുതിയ ജനറൽ സെക്രട്ടറിയായി യോഗം തെരെഞ്ഞെടുത്തു. കൂടുതൽ പ്രവർത്തകരെ ഉൾപ്പെടുത്തി കമ്മിറ്റിയുടെ പ്രവർത്തനം സജീവമാക്കാനും യോഗം തീരുമാനിച്ചു.

സയ്യിദ് സൈനുൽ ആബിദീൻ തങ്ങൾ പ്രാർത്ഥന നടത്തി. വൈസ് പ്രസിഡന്റ് മുഹമ്മദ് കല്ലിങ്ങൽ സ്വാഗതവും വർക്കിങ് സെക്രട്ടറി സാലിം അമ്മിനിക്കാട് നന്ദിയും പറഞ്ഞു.

 

വാഫി- വഫിയ്യ ജിദ്ദ കമ്മിറ്റി